Архив - 23 Апр, 2014

Чăваш Ен Пуçлăхĕ Михаил Игнатьев ĕнер Мускавра Раççейре Культура çулталăкне ирттерес енĕпе ĕçлекен йĕркелÿ комитечĕн ларăвне хутшăннă. Унта Культура çулталăкĕн тĕп мероприятийĕсен планне мĕнле пурнăçланине, çав мероприятисене информаци енĕпе тивĕçтерес ыйтусене сÿтсе явнă.

Латин чĕлхинчен «приоритет» сăмах нумай чĕлхене, çав шутра вырăс чĕлхине те кĕнĕ. «Prior» - пĕрремĕш. Ют çĕр-шыв сăмахĕсен словарĕнче /Н.Г.Комлев, 2006 ç./ «приоритетăн» иккĕмĕш пĕлтерĕшне «пуринчен малтан ĕç тумалли тата йышăну кăлармалли право» тенĕ. Пуçлăхсем пуху-канашлура «приоритетное направление нашей деятельности» тесе чи малтан тума палăртакан ĕçе калаççĕ.

Шупашкарта професси ăстисен "Хула вĕрентĕвĕн çамрăк педагогĕсем" конкурсĕ иртнĕ.

Çапла калани «Ваттисен сăмахĕсем» ярăмра пур. Анчах манăн çакна пачах та ваттисен сăмахĕсен йышне кĕртес килмест. Ку пахчара кунсерен пурнăçламалли ĕçсенчен пĕри тенĕ пулăттăм. Пурнăçламалли паллă-ха вăл, анчах пурин те алă çитмест.

"Хыпар" ыйтăвĕсене Чăваш Республикин транспорт тата çул-йĕр хуçалăхĕн министрĕ Владимир ФИЛИППОВ хуравлать.

- Министерство умĕнче кăçал мĕнле тĕллевсем тăраççĕ?

Çамрăк ăрăва çирĕп пĕлÿллĕ, тивĕçлĕ шайра пăхса ÿстерес ĕçре тăван чĕлхене вĕрентни пысăк пĕлтерĕшлĕ. Вĕренекенсен пуплевне аталантарасси, ачасене сăмахсемпе вырăнлă та тирпейлĕ усă курма вĕрентесси тата вĕсен сăмах йышне пуянлатасси - тăван чĕлхе вĕрентес ĕçĕн тĕп тĕллевĕсем. Çав тĕлĕшпе «Чĕвĕлти чĕкеç» вăйă тÿпи çав тери пысăк: ача яланах çĕннине, урокра вĕрентменнине, пĕлме тăрăшать. Кăсăк та шÿтлĕ ыйтусем ачасен пуплев культурине ÿстерме пулăшаççĕ, сăмахсемпе тата фразеологизмсемпе, грамматика формисемпе тата синтаксис конструкцийĕсемпе тĕрĕс усă курма вĕрентеççĕ.

Çын çав документа суда тăратма хăйнă та - чăннипех тĕлĕнмелле. Пурăнмалли çуртăн патшалăх регистрацийĕн свидетельстви суя пулнине Росреестрăн республикăри управленийĕн сотрудникĕсем суд процесĕнче тупса палăртнă.

Çĕрпÿ районĕн администрацийĕн пуçлăхĕн çумĕ пулнă Денис Николаева пĕлтĕрхи раштавра должноç полномочийĕсемпе киревсĕр тĕллевпе усă курнăшăн айăпланăччĕ. Халь вара район сучĕн ун пиркиех палăртнă тепĕр приговорĕ саккунлă вăя кĕнĕ.

Яла тытса тăраканни, пĕтме паманни - культура вучахĕ. Пĕчĕк ялшăн вара вăл уйрăмах пысăк пĕлтерĕшлĕ. Çакна асрах тытаççĕ Йĕпреç тăрăхĕнчи Смычкăра пурăнакансем. Кунта 2012 çулта Анатолий Тимофеевпа Альбина Михетова администраторсем киличчен клуб пĕр хушă хупă ларнă.

«Хыпарта» Роза Власовăн «Чăваш туйĕнче савăнасчĕ» статйине юратса вуларăм. Шупашкар районĕнчи Шорккара пурăнакан Нинăпа Бронислав Евгеньевсен туйĕ аса килчĕ. Телее, 33 çул каялла тунă сăн ÿкерчĕксем те тупăнчĕç.