Архив - Çамрăксен хаçачĕ

Шупашкарти Г.С.Лебедев ячĕллĕ чăваш наци интернат лицейĕн шăпи нумай калаçтарчĕ. 2012 çулхи утă уйăхĕнче Шупашкар хула администрацийĕ вĕренÿ заведенийĕнче юсав ĕçĕсем ирттерес тĕллевпе хупасси пирки хушу кăларчĕ. Çакăн çинчен вĕренÿ çулĕ пуçланиччен пĕр уйăх маларах çеç пĕлтерни пуриншĕн те кĕтменлĕх пулчĕ. Çавна май лицейра вĕренекен ачасенчен чылайăшĕн каялла ялти шкула таврăнма тиврĕ. 100 яхăн çамрăк вара хулара ăс пухма юлчĕ. Юсав ĕçĕсене çулталăк вĕçĕнче пĕтерме шантарни темиçе çула тăсăлчĕ. Халăхра тĕрлĕ сас-хура çÿрерĕ.

Нарăс уйăхĕн 8-10-мĕшĕсенче Çĕнĕ Шупашкарта 20 çула çитмен çăмăл атлетсен Раççей шайĕнчи хĕллехи чемпионачĕ иртрĕ. Пирĕн ентешсенчен унта Марина Сизова палăрчĕ. 19 çулти пике ăмăртăвăн пĕрремĕш кунхине 60 метрлă дистанцире 2-мĕш вырăн йышăнчĕ.

Чылай яш хăйĕн пурнăçне Тăван çĕршыва хÿтĕлессине халаллать. Çулсеренех Чăваш Ен çамрăкĕсем çар енĕпе пĕлÿ илес тĕллевпе Раççейĕн тĕрлĕ кĕтесне саланаççĕ. Сумлă профессие суйлакансен хисепĕ ÿссех пырать. Тĕслĕхрен, 2013 çулта - 327, 2014 çулта - 423, пĕлтĕр 448 яш курсант пулса тăнă. Кандидатсене çар комиссариатĕнче суйлаççĕ. Нарăсăн 8-мĕшĕ тĕлне кăçал аттестат илекен 258 çамрăк /вăл шутра 40-шĕ - хĕр/ офицера вĕренме каясси çинчен пĕлтернĕ.

30 çул каялла ку тĕнчерен уйрăлнă Юра Кузнецовăн вил тăпри çине халĕччен çичĕ хут та курăк шăтма ĕлкĕрчĕ ĕнтĕ. Каччă Афганистанран аманса таврăннă хыççăн нумаях та пурăнайман. Йывăр чире кайнине пула 24-рах сивĕ тăпрапа хупланнă вăл.

Кашни çын хăйне май пултаруллă: пĕри йывăр хăнăхтарусен хуравĕсене ăсрах шутласа тупать, тепри тутлă апат янтăлать… Ÿркенмелле мар çеç. Кахалланса лариччен пурнăçри кашни çеккунта усăллă ирттермелле, савăнса юлмалла. Ĕçрен ывăнса килсен кĕнеке вуласа, илемлĕ кĕвĕ итлесе е алла йĕппе çип тытса канма пулать.

Шăпа... Пĕрисене ĕмĕр тăрш­шĕпех сăпкари пек сиктерет вăл, теприсене çил-тăвăл йывăçа лăсканă евĕр туллать. «Турă çырнинчен иртеймĕн», - тесе лăплантарать этем хăйне кун пек чухне.

Пĕчĕк чухнех вăл пуканепе мар, пиччĕшĕн машинисемпе вылянă. Халĕ те чун туртăмне кура юлташĕсем ăна сувенир евĕр автомобиль парнелеççĕ, раритет коллекцине пуянлатма пулăшаççĕ. Хÿхĕм те чипер пике автомобиль тĕнчине çывăхрах пулас тесе çулталăк каялла Шупашкарти «Ремавто» сервиса механика вырнаçнă.

Нарăс уйăхĕн 14-мĕшĕ - Юратакансен кунĕ. Уява ытларах çамрăксем чăтăмсăррăн кĕтеççĕ. Юратакансем çак куна савнă çынпа ирттерме, пĕр-пĕрне парнепе савăнтарма тăрăшаççĕ. Америкăра Çветтуй Валентин уявĕнче 108 миллион кĕлчечек сутăнни, канфет 692 миллион долларлăх туянни паллă.

Нумаях пулмасть «Хыпар» Издательство çуртĕнче ЧР Министрсен Кабинечĕн Председателĕ Иван Моторин, ЧР информаци политикипе массăллă коммуникацисен министрĕ Александр Иванов пулчĕç. Хăнасемпе калем ăстисем «çавра сĕтелре» тĕрлĕ ыйтăва сÿтсе яврĕç.