Архив - 2018 - Çамрăксен хаçачĕ

Муркашра çуралса ÿснĕ вăл. Вăтам шкул пĕтернĕ хыççăн каччă И.Н.Ульянов ячĕллĕ ЧПУра ăс пухнă. Педагог-психолог дипломне илсен тăван районĕнче культура тытăмĕнче тăрăшнă. Час-часах чиркĕве çÿренĕ. 2003 çулта Муркаш çыннисем ăна чиркÿ канашĕн председательне суйланă.

* Хÿхĕм те йăрăс пÿллисене, лайăх калаçакансене йышăнаççĕ

* Ял çынни мĕн чухлĕ çÿп-çап пăрахать?

«Çăмăл ĕç, аван тÿлетпĕр! Меллĕ график. Тăхтамасăр халех шăнкăравлăр!» — тенĕ пĕлтерÿре. Чăнах та, шантарнă пекех 40-45 пин тенкĕ тÿлеççĕ-ши? Тăхтамасăр шăнкăравларăм. «Тăрăшса ĕçлесен уйăхне 50 пин тенкĕ таран ĕçлесе илме пулать», — хурава илтсен чутах редакци ĕçне пăрахса тухса каяттăм.

Хисеплĕрен те хисеплĕ «Çамрăксен хаçатĕнче» ĕçлекенсене ырă кун! Хаçата кашни çул çырăнатпăр, интересленсе вулатпăр. Тăвай районĕнчи Чутей ялĕнче пурăнакансем патне «Экоцентр» МВК» ОООран квитанци килни çинчен калаçрĕç. Унччен те пулмарĕ, пирĕн почта ещĕкне те килсе выртрĕ вăл.

Чăваш халăх поэчĕ, Туслăх орденне тивĕçнĕ Юрий Сементер халĕ те çырмасăр пĕр кун ирттермест. Компьютер, гаджет таврашне алла тытмастăп тесе сăмах панăскер алă вĕççĕн çырать. Акă «Мамай сăртламĕ» вĕр çĕнĕ поэма «пиçсе» тухнă — паян тесен паян кĕнеке кăлар.

Натурщик ĕçне авалхисенчен пĕри тесе çирĕппĕнех калама пулать. Унччен те, халĕ те ÿнерçĕсем çак енĕпе тăрăшакансене пăхса картина хайлаççĕ. Пĕр-пĕр позăра палăк пек хускалмасăр тăма çăмăл-и? Унашкал çыннăн мĕнле йывăрлăхсемпе тĕл пулма тивет?

* Йывăрлăхсенчен... интернета тараççĕ

* «Эпĕ мар» е «Мана мар»?

Шурлăх евĕр çăтакан интернетра халĕ такама та курма пулать. Ача-и, аслă ăрури çын-и — унăн серепинчен никам та хăтăлаймасть. Çынсем унта мĕншĕн ытларах ларма тытăнчĕç? Сăлтавĕсем, паллах, тĕрлĕрен. Тепĕр чухне интернета кĕрсе тухмасан чун канманнине, вăл ăнсăртран сÿнсен тарăхнине туятăр-и?

Кăçал халăхра пĕр юрă анлă сарăлчĕ. Ăçта ан кай — машина салонĕнчен те, юбилей-туйра та — «Эпĕ мар» юрлани илтĕнет. Çапла чăваш эстрадине Владимир Егоров вирхĕнсе кĕчĕ.

Çĕршывăмăрăн кашни кĕтесĕнче тĕрлĕ илем конкурсĕ йĕркелеççĕ. Шкул ачисем, хĕр- хĕрарăмсем чи чиперрин ятне çĕнсе илессишĕн кĕрешеççĕ. Вĕсен тĕрлĕ стандарта пăхăнма тивет. Сăмахран, йĕркелÿçĕсем кĕлетке виçине тимлеççĕ. «Чăваш пики» конкурсра вара çĕнтерÿçе пачах урăххине кура палăртаççĕ.