Архив - Авг 2016 - Çамрăксен хаçачĕ

Килĕрен спутник-турилкке лартса çĕр-çĕр телеканал пăхаççĕ халĕ çынсем. Хĕрарăмсем уйрăмах экстрасенссемпе, тĕшмĕшпе çыхăннă кăларăмсене пăхма кăмăллаççĕ. Çур çул каялла пĕр пĕлĕшĕм те унти юмăçсемпе калаçса чутах укçа çухатман.

Раççейри физкультурниксем çурлан иккĕмĕш шăматкунĕнче çулленех хăйсен уявне паллă тăваççĕ. Вĕсем çитĕнекен ăрăва сывă пурнăç йĕркине пăхăнма вĕрентеççĕ. Олимп резервĕсен ачасемпе çамрăксен Шупашкарти спорт гимнастикин шкулĕнче тренерта тăрăшакан Ольга Филиппова пурнăçне спорта халалланă.

Çурла уйăхĕн 5-мĕшĕнче Шăмăршăра иртнĕ судра пулма тÿр килчĕ. Аякри района çитме тĕв тытни ахальтен мар: Пуянкасси шкулĕнчи лару-тăру пирки “Çамрăксен хаçачĕн” çу уйăхĕн 5-мĕшĕнчи номерĕнче “Пĕчĕк шкулăн пысăк ыйтăвĕ” статья пичетленнĕччĕ. Директорпа географи учителĕ хушшинчи хирĕçтăру пирки те асăннăччĕ унта. Лару-тăру çавăнтанпа йĕркене кĕмен, пушшех çивĕчленнĕ. Людмила Бондареева директор Владимир Кудрявцева суда панă. Учитель пĕтĕм халăх умĕнче “Манăн ачана инвалид турăн” тесе пуçлăхăн ят-сумне вараланă-мĕн. /Телее, ачан сывлăхĕ йĕркеллех, вăл сусăр мар/.

Катя ПЕТРОВА юрăçа, мусăкçа, ЧР тава тивĕçлĕ артисткине Чăвашра çеç мар, унăн тулашĕнче те пĕлеççĕ. Тăпăл-тăпăл кĕлеткеллĕскер, хăмăр куçлăскер, пилĕк таран вăрăм çÿçлĕскер сцена çинче сăпайлăхĕпе, тараватлăхĕпе палăрса тăрать.

Çурла уйăхĕн пуçламăшĕнче Чăваш Ен Пуçлăхĕ Михаил Игнатьев культурăпа искусство тытăмĕнчи инноваци проекчĕсене пурнăçа кĕртмешкĕн грант уйăрнине çирĕплетекен хушăва алă пуснă. Ăна республикăри 5 организаци тивĕçнĕ, вăл шутра — Чăваш патшалăх электрон тата кинодокументаци архивĕ «Уçă тÿпе айĕнчи кино» урамри фестиваль» проектпа çĕнтернĕ.

«Параканран — ил, çапаканран — тар», — теççĕ халăхра. Анчах çак сăмахсене Сĕнтĕрвăрри районĕнче пурăнакан Вера Григорьева çамка çине картса хуманни курăнать. Çынсем пĕлĕтрен анакан укçа-тенкĕшĕн е ытти пурлăхшăн чунран хĕпĕртеççĕ. Вăл вара янттипе усă курма васкамасть.

Ефросиния Егорова 82 çулта. Çак ÿсĕме çывхарнисем, аслăраххисем хури-шуррине пайтах курнă. Евруç аппан пурнăçĕ пыл та çу пулайман. Муркаш районĕнчи Орининра çуралса ÿснĕскер çемье çавăрсан та тĕп килтех юлнă. Тăлăх çитĕннĕ вăл. Шел те, качча тухсан та тăлăха юлнă.

Кил хуçи колхоз правленийĕн бухгалтерĕнче ĕçленĕ. Унăн мăшăрĕпе амăшĕ те колхозрах пилĕк авнă. Халăхран уйрăм пулман ку çемье, ыттисемпе тан ĕçленĕ. Фашист пирĕн çĕре тапăнса вăрçă пуçлани пин-пин çемье пурнăçне улăштарнă, аркатнă. 1942 çулта Евруçăн ашшĕне Иван Соловьева çара илнĕ.

Шăтăк-путăксăр асфальт çулпа утса ялпа киленнĕ май Вăрмар районĕнчи Ичеснер Атайкассинче 50-а яхăн çын çеç пурăннине ĕненес килмерĕ. Икĕ урамлă çак ялта çурт чылай: киввисен çумĕнче çĕннисем, капмаррисем, çĕкленнĕ. Вĕсен шучĕ нумай пулин те 22-шĕнче çеç каçхине çутă çутаççĕ.

Тăвай районĕнчи Турикас Тушкилти Владислав Моряков шкулта вĕреннĕ чухне те, халĕ те çуллахи пĕр каникула килте ахаль ларса ирттермен, ял хуçалăх предприятине ĕçлеме çÿренĕ. Ачаранпах техникăпа туслашнăскер тиевлĕ машинăпа тыр-пул та пайтах турттарнă.