Архив - 25 Фев, 2015 - Хресчен сасси

Пулнă, пур, пултăр

Куравра - ир пулаканни, кĕрпекли, кĕренни...

Тăван йăва - чун ăшши

Хисеплĕ ĕç - чун канăçĕ

"Çĕрулми-2015" курав Шупашкарта икĕ кун ĕçлерĕ. Халăх йышлă çитсе курчĕ унта. Пĕрисем тÿрех çĕрулмин паха вăрлăхне туянма "Николаевский" суту-илÿ комплексĕн чĕртавара курттăммăн сутакан павильонĕсене васкарĕç.

Ред Соня, Ред Леди, Мемфис, Королева Анна, Регги, Амур, Стефани, Бафана, Капризе, Любава, Зекура... Мĕнле кăна сорт çук-ши куравра?! Хăш-пĕр сорт ятне халиччен илтмен те. Чылай регионтан килнĕ экспонентсем вун-вун тĕрлĕ çĕрулми сортне кăтартрĕç. Вĕсем пĕр-пĕринчен калăпăшĕпе те, тĕспе те уйрăлса тăраççĕ.

Укçашăн мар, чун туртнипе

Хурăн пек яштака та илемлĕ, куларах пăхакан куçсем, çепĕç сасă... Шап-шурă халачĕ пикен сăн-питне татах çутатса ярать.

- Ачаранах тухтăра вĕренме ĕмĕтленнĕ эпĕ, - терĕ Алина Репина. - Уйрăмах терапевт ĕçĕ килĕшетчĕ. Шурă халат тăхăнса килтисене «сиплеттĕм».