Архив - 7 Ноя, 2014 - Хресчен сасси

Халăхсен пĕрлĕхĕ чи пысăк пуянлăх пулнине çирĕплетсе республикăри хуласемпе районсенче Пĕрлĕх кунне халалланă митингсем иртрĕç. Тĕп уяв вара Шупашкарти Хĕрлĕ тÿремре пулчĕ.

Хресчен вырса илнĕ çичĕ тĕслĕ тыр-пула кĕлете, пĕрер çимĕçĕн пухнă улма-çырлана нÿхрепе кĕртсе хучĕ. Выльăх-чĕрлĕхе витене хупрĕ. Апла кĕрекере савăнма та юрать. Иртнĕ эрнекун Шупашкарта ял хуçалăхĕпе тирпейлекен промышленноç ĕçченĕсене чысларĕç.

Министрсен Кабинечĕн Председателĕн çумĕ - ял хуçалăх министрĕ Сергей Павлов пÿлмене ампар виçипе 530 пин тонна ытла тырă кĕнине пĕлтерчĕ, пĕлтĕрхинчен самай ытларах. Гектарти вăтам тухăç - 22,2 центнер.

Нумай ача çуратса ÿстернисем, çавăн пекех инвалид ачана пăхса пурăнакансем çул çитмесĕрех пенсие тухма пултараççĕ тенине илтнĕ. Тĕплĕнрех ăнлантарса параймăр-ши?

Светлана Гурьевна.

Раççей Пенси фончĕн Чăваш Енри уйрăмĕн пресс-служби çапла пĕлтерет:

- Пилĕк е ытларах ача çуратса вĕсене 8 çула çитиччен пăхса ÿстернĕ хĕрарăмсем 15 çултан кая мар страхлав стажĕ пухсан 50 çулта пенсие тухма пултараççĕ.

75 çултан каçсан тăтăшах çуран утсан тата темиçе теçетке те пурăнма пулать.

Кунсерен çуран утма спортсмен пулни кирлĕ мар. Ку таранччен спортпа пачах çыхăнман çын та уçă сывлăшра хăйне хальлĕн уçăлса çÿреме пултарать. Паллах, урасене аран-аран сĕтĕрсе утмалла тенине пĕлтермест ку. Хăвăртлăх тени кăшт та пулин пулмаллах. Çÿрекен çула тăтăшах улăштарни, çĕнĕ çынсемпе тĕл пулни, уçă сывлăш ĕмĕре тăсать. Утни мĕнле чирсенчен хăпма пулăшать-ха?