Архив - Апр 2015 - Чăваш хĕрарăмĕ

Самарпа Тутарстан тăрăхне кашни çулах концертпа тухса çÿренĕрен унти чăвашсем тăван пекех хаклă та çывăх маншăн. Зала кĕмĕл çÿçлĕ асаннесемпе кукамайсем ытларах пырса ларнинчен тахçанах тĕлĕнме пăрахнă. Ялта халь çамрăксем çук, пулсан та концерт кăсăклантармасть вĕсене. Пĕлетĕп, аякри тăвансем пире кĕтеççĕ, тунсăхлаççĕ.

Çапла калаççĕ хăйсем пирки Муркаш районĕнчи Коминтерн выççăлккинче пурăнакансем. Ял çыннисем каланă тăрăх, 1923 çулта таврари çичĕ ялтан куçса килнĕ кунта. Сĕнтĕр тăрăхĕнчи Шупуçсемпе Апчарсем те йăва çавăрнă вăрманта. Чи кирли - тĕрлĕ ялтан пуçтарăннă халăх пĕр-пĕринпе туслă пурăннă.

Чăваш патшалăх пукане театрĕ 70 çул тултарчĕ

Ейÿ сарăлас хăрушлăх иртсе кайрĕ çеç, пушарнăйсен умне тепĕр çивĕч ыйту тухса та тăчĕ: шăпах çак вăхăтра «хĕрлĕ автан» алхасас хăрушлăх ÿсет. Ара, çуркунне çитсен чылайăшĕ типĕ курăка çунтарма юраманнине пăхмасăрах ăна тивертме тытăнать. Хăрушсăрлăха пăхăнмаллине темĕн чухлĕ каласан та ыйту çивĕчлĕхĕ пачах чакмасть. Раççей МЧСĕн республикăри тĕп управленийĕн пуçлăхĕ Станислав Антонов кĕçнерникун журналистсемпе шăпах çак ыйту тавра калаçрĕ те.

Чăваш Ен Пуçлăхĕ Михаил Игнатьев çынсемпе куçа-куçăн тĕл пулса калаçассине ырă йăлана çавăрнă. Иртнĕ эрнере Михаил Васильевич граждансене Раççей Федерацийĕн Президенчĕн йышăну пÿлĕмĕнче кĕтсе илнĕ.

Раççей Президенчĕ Владимир Путин ака уйăхĕн 16-мĕшĕнче çĕршыв гражданĕсемпе йăлана кĕнĕ тÿрĕ калаçу ирттерчĕ.

Манăн асатте, Тăван çĕршывăн Аслă вăрçин ветеранĕ Роман Григорьев, 1980 çулта çут тĕнчерен уйрăлнă. Пĕчĕк икĕ мăнукне курма ĕлкĕрнĕ вăл. Килте унăн пысăклатнă сăнÿкерчĕкĕ, орден-медалĕ упранать. Çывăх тăвансем унăн паттăрлăхĕ çинчен темиçе хут та каласа кăтартнă, пурпĕрех çĕнĕрен итлес килет.

Иртнĕ эрнере Чăваш патшалăх ÿнер музейĕнче Раççей тава тивĕçлĕ, Чăваш халăх художникĕн, Раççей Ÿнер академийĕн член-корреспонденчĕн, Питĕр ăслăлăхпа искусство академийĕн чăн членĕн Анатолий Рыбкинăн куравĕ уçăлчĕ. Пирĕн ентеш Санкт-Петербургра ĕçлесе пурăнать, тĕнчен тĕрлĕ кĕтесне çитет.

Ĕçри телефон шăнкăртатрĕ. Çепĕç сасă малтанах чăрмантарнăшăн каçару ыйтрĕ, хăй кирлĕ вырăна лекнине ыйтса ĕненчĕ те мĕн çăмăлпа иккенне пĕлтерчĕ. 37 çула кайнăскер хаçат урлă хĕрсемпе туслашасшăн иккен.

- 25-33 çулсенчи хĕр-хĕрарăмпа паллашасчĕ. Ача пурри чăрмав мар. Ватă аннемпе пурăнатăп. Кил-çуртăмăр çирĕп, хăтлă, - терĕ Сантăр çепĕççĕн.

Калаçуран вăл эрех ĕçменни, чĕлĕм туртманни палăрчĕ.

- Хальччен çемьеленме май килмерĕ-и?

- Вăтанчăкрах-тăр, хĕрсене çавăнпах çавăраймарăм та, - çаплипех лăпкăн та сăпайлăн хуравлать авланас шутлăскер.

Пахалăхсăр апат-çимĕç те чир сăлтавĕ пулма пултарать. 3 стр.

Ял халăхĕнчен пуянраххи çук. 4 стр.

Сивĕ сăмах калас вырăнне кĕлĕ вуламалла. 5 стр.

Тăтăшах пăшăрханни сывлăха ан хавшаттăр тесен... 8 стр.

Купăста яшки йăлăхтарман-ха... 9 стр.

Раççей актриси Голливуда парăнтарнă. 11 стр.

Аттесĕр иртнĕ асаплă ачалăх. 12 стр.