Архив - 2015 - Хыпар

Вăрнар районĕнчи Кÿлхĕрри ялне мĕн ачаранах пĕлетĕп. Кунта манăн хĕресне аннепе Тăван çĕршывăн Аслă вăрçин участникĕ Александр Семенович Карзаков пурăннă. Унăн ывăлĕ Павăл та вăрçа хутшăннă. Унсăр пуçне Нурăсри вăтам шкулта вĕреннĕ чухне хĕллехи вăхăтра хам та унта виçĕ çул пурăннă, çавăнпа палламан çын юлман темелле.

Депутат журналистсен информацийĕпе час-часах усă курать

Эрне пуçламăшĕнче, республика Пуçлăхĕ ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура, патшалăх нушисем валли тĕрлĕ тавар туянассипе, пулăшу ĕçĕсем пурнăçлассипе çыхăннă сферăри çитменлĕхсем пирки самай çивĕч калаçу пулчĕ. Михаил Игнатьев ку енĕпе йĕрке тума, контрактсене тÿрĕ кăмăлпа пурнăçламаннисенчен çирĕп ыйтма хушрĕ. Кам ĕç çине алă сулса усламшăн кăна çунать, кам такăнтарать?

Çулталăк вĕçленсе пынине кура кăçалах татса памалли ĕçсем нумай юлнă пулинех - Министрсен Кабинечĕн иртнĕ юнкунхи кун йĕрки нихçанхинчен анлă пулчĕ. Пĕтĕмпе 40 ыйту. Анчах вĕсене хăвăрт пăхса тухрĕç, лару ытла вăраха каймарĕ. Доклад тăвакансенчен пĕрне Иван Моторин премьер-министр, ларăва ертсе пынăскер, «ку ыйту Правительствăн унчченхи йышăнăвĕнчи икĕ сăмаха улăштарассипе кăна çыхăннă, анчах сирĕн докладăр тем тăршшĕ» тесех асăрхаттарчĕ те - министрсем хăйсем яваплă ыйтусемпе нумай сăмах вакламарĕç.

2015 çулхи кăрлач-чÿк уйăхĕсенче Патăрьел районĕнчи халăха ĕçпе тивĕçтерекен центра пулăшу илес тĕллевпе 1339 /е иртнĕ çулхи çав вăхăтринчен 31 сахалрах/ çын пынă. Ĕçсĕрлĕх статусне 233-ĕн е çав йышăн 17,4 проценчфĕ илнĕ.

Ултавпа мала тухакансене тăрă шыв çине кăларнă

Чăваш Ен Пуçлăхĕн мăшăрне Лариса Игнатьевăна республикăри Хĕрарăмсен союзĕ урлă пĕлетĕп. Ун ĕçне хастар хутшăнать вăл. Çак союзăн правлени членĕ пулнă май, пĕрре кăна мар курнă Лариса Юрьевнăна, сăпайлăхĕнчен тĕлĕннĕ... Вулаканăмăрсене тахçанах ун çинчен тĕплĕнрех каласа кăтартас килетчĕ.

«Литературная газета» страницинчен касса илнĕ сăнÿкерчĕк, Хветĕр Уяр парнеленĕ кĕнекерен сиксе тухнăскер, асăмра юлнă: акăлчан литературин классикĕ Сомерсет Моэм ирех тăнă та /килти халатпа/, календарь çине пăхса «тата тепĕр çуралнă кун çитрĕ-им-ха ĕнтĕ, мур илесшĕ» тет. Пăхсан, çынна пурăнса йăлăхтарнă тейĕн. Çав кун 91 çул тултарнă титан часах çĕре кĕнине пĕлтĕм кăштахран.

Паянхи ÿсĕмсем пирки калаçнă май Чăвашпотребсоюзра яланах ветерансене тав туса аса илеççĕ. Шăпах вĕсем тăрăшнипе ĕнтĕ потребкооперацире пуян пурлăх-техника базине йĕркеленĕ, йăласене упраса хăварнă.