Архив - 2014 - Хыпар

2014 çулхи июлĕн 31-мĕшĕнче Чăваш Республикин Пуçлăхĕ Михаил Игнатьев «Чăваш Республикинче пурăнакансен пурнăç пахалăхне ÿстерес тата сывлăхне çирĕплетес тĕлĕшпе йышăнакан хушма мерăсем çинчен» Указ хатĕрленĕ. Хамăрăн тăрăхра «Сывлăх профильне» йышăнассине шăпах официаллă çав документпа килĕшÿллĕн пуçарнă та. Вăл халăхăн пурнăç пахалăхне тата сывлăхне лайăхлатмалли республикăн малашнехи аталанăвĕн стратегийĕ евĕрех.

Декабрĕн 9-мĕшĕнче Çĕрпÿре ейÿрен хÿтĕленмелли сооруженисен комплексĕн иккĕмĕш черетне савăнăçлă лару-тăрура уçрĕç. Питех те пысăк пĕлтерĕшлĕ çак пулăмпа вырăнти халăха Чăваш Ен Пуçлăхĕ Михаил Игнатьев саламларĕ.

ЧР Журналистсен союзĕ республикăри журналистсен 2014 çулшăн çуллен паракан Çемен Элкер, Николай Никольский тата Леонид Ильин ячĕллĕ пермийĕсене илме тăратакан ĕçсене йышăнассине вĕçленĕ. Конкурс ĕçĕсемпе документсене республикăри, районсенчи, Чĕмпĕр облаçĕнчи массăллă информаци хатĕрĕсен редакцийĕсем, Чăваш наци конгресĕ, И.Н.Ульянов ячĕллĕ Чăваш патшалăх университечĕ, Россельхознадзорăн республикăри управленийĕ, Чăваш кĕнеке издательстви, Хĕрлĕ Чутай район администрацийĕ тăратнă.

Кун пеккине, ЧР Пуçлăхĕ Михаил Игнатьев министрсене Правительство ларăвĕн тÿрĕ трансляцине чарсах тустарнине, астумастăп. Ĕнерхи ларура çапла пулчĕ...

Николай КАЗАКОВ, Чăваш Республикин искусствăсен тава тивĕçлĕ ĕçченĕ, Композиторсен союзĕн председателĕ:

- Раççей Президенчĕ Владимир Путин тĕрĕс каларĕ - кашни çыннах нумай енлĕ аталанма çителĕклĕ майсем туса памалла. Манăн шухăшăмпа, паянхи кун ку питĕ пысăк пĕлтерĕшлĕ.

Теми, хваттерсенчи вĕри шывпа, унăн хакĕпе çыхăннăскер, чăннипех кăткăс, уншăн тÿлемелли виçе хакланасси куçкĕрет, эппин, халăх кăмăлсăрланасси те часах.

Çĕмĕрле районĕн сучĕ «Чăвашавтодор» АУОн вырăнти территори производство управленийĕн экс-директорĕ Владислав Удяков тĕлĕшпе приговор палăртнă. Ăна хăй ертсе пыракан организаци интересĕсене хирĕç ĕçсем тунăшăн айăпланă.

Кăçалхи октябрьте Çĕнĕ Шупашкар хулин право хуралĕн органĕсенчен çамрăк хĕрарăм пулăшу ыйтнă: 27 çулти упăшки çухалнă иккен. Ăна арăмĕ октябрĕн 7-мĕшĕнче юлашки хут курнă, унтанпа пĕр сас-хура та çук...

Банк карточкисемпе тимлĕ пулăр

Укçан мар тÿлев инструменчĕ вырăнĕнчи банк карточкисемпе Раççейре нумаях пулмасть кăна, 2000 çулсен пуçламăшĕнче, анлăн усă курма тытăнчĕç. Тÿлевĕн çак механизмĕ меллĕ пулнипе, вăхăта перекетленипе лайăх - пластик карточкăсем çавăнпа хăвăрт сарăлчĕç ĕнтĕ. Çапах вĕсен çаврăнăшĕ вăйлă аталанни преступниксене те илĕртет. Тÿлевсен универсаллă инструменчĕ вĕт - ултавçăсемшĕн те меллĕ. Шел, финанс ĕç-хĕлĕнче усă куракан ăслă технологисем ултавçăсене те пулăшаççĕ.