Комментировать

ЧР Журналистсен союзĕ республикăри журналистсен 2014 çулшăн çуллен паракан Çемен Элкер, Николай Никольский тата Леонид Ильин ячĕллĕ пермийĕсене илме тăратакан ĕçсене йышăнассине вĕçленĕ. Конкурс ĕçĕсемпе документсене республикăри, районсенчи, Чĕмпĕр облаçĕнчи массăллă информаци хатĕрĕсен редакцийĕсем, Чăваш наци конгресĕ, И.Н.Ульянов ячĕллĕ Чăваш патшалăх университечĕ, Россельхознадзорăн республикăри управленийĕ, Чăваш кĕнеке издательстви, Хĕрлĕ Чутай район администрацийĕ тăратнă.

Çемен Элкер ячĕллĕ премие илме тăратнă ĕçсен авторĕсен йышĕнче - Чăваш наци радиовĕн аслă редакторĕ Роза Деменцова, Хĕрлĕ Чутай районĕн «Пирĕн пурнăç» хаçачĕн корреспонденчĕ Альбина Замуткина, «ИнформМедиа», «Стимул» ОООсен тĕп редакторĕ Владимир Иванский, «Хыпар» хаçат тишкерÿçи Ирина Клементьева, «Советская Чувашия» хаçат корреспонденчĕ Леонид Никитин, «Хресчен сасси» хаçат корреспонденчĕ Ирина Никитина, «Грани» хаçатăн пай редакторĕ Ирина Павлова, «Республика» хаçат директорĕ /тĕп редакторĕ/ Лидия Филиппова.

Николай Никольский премине илме тăратнă ĕçсен авторĕсен йышĕ те суйласа илмелĕх пур: Чĕмпĕр облаçĕнчи чăвашсен «Канаш» хаçачĕн корреспонденчĕ Елена Алексеева, Владимир Зырянов, Валерий Комиссаров, Надежда Осипова /И.Н.Ульянов ячĕллĕ ЧПУн журналистика кафедри/, «Хыпар» хаçатăн социаллă пурнăçпа вĕрентÿ пайĕн редакторĕ Ирина Иванова, ЧНК президенчĕн общественноçпа çыхăну тытакан пулăшуçи Зоя Яковлева.

Россельхознадзорăн Чăваш Енри управленийĕн информаципе аналитика пайĕн тĕп специалист-эксперчĕн /пресс-секретарĕн/ Надежда Васильевăн, «Хыпар» Издательство çурчĕн штатра тăман корреспонденчĕн Герман Желтухинăн, Хĕрлĕ Чутай райадминистрацийĕн информаци ресурсĕсен секторĕн тĕп специалист-эксперчĕн Лариса Зайцевăн, Вăрмар районĕн «Хĕрлĕ ялав» хаçачĕн ял хуçалăхĕпе социаллă политика пайĕн редакторĕн Алевтина Николаевăн ĕçĕсене вара Леонид Ильин ячĕллĕ премие илме тăратнă.

Премисене парас енĕпе ĕçлекен комиссисен умĕнче - яваплă тивĕç: унăн пултаруллă авторсен мĕнпур ĕçĕпе тĕплĕн паллашса чи лайăххисене палăртмалла. Лауреатсен ячĕсем 2015 çулхи январьте паллă пулĕç.

К.АНТОНОВ