Архив - Июн 2014 - Хыпар

30-мĕш çулсен пуçламăшĕнче Шупашкар районĕнчи Шоркка ялĕнче «Победа» колхоз йĕркеленĕ. Трифон Афанасьевпа Федор Ильин унăн малтанхи председателĕсем пулнă. Чăпта çапмалли промэртел ĕçленĕ.

Следстви комитечĕн Шупашкарти пайĕн производствинчи уголовлă çак ĕçсем иккĕшĕ те çын вилĕмĕпе çыхăннă. Иккĕшĕнче те айăплисем яваплăхран пăрăнас тĕллевпе çын виллине пытарма тăнă.

Пĕлтĕрхи авăн уйăхĕн 2-мĕшĕнче çĕрле пулнă преступлени тĕлĕшпе следстви айăплав тăратнă ĕнтĕ. Тăватă çамрăк 55-ри арçын патне килне пынă. Вăл каччăсенчен пĕрин куккăшĕ умĕнче парăма кĕнĕ-мĕн - пĕтĕмпе те 50 тенкĕ кăна, анчах йĕкĕтсем шăпах çав укçана тавăрса пама сĕннĕ. Сăмахпа кăна хистемен - хĕнеме те ÿркенмен. Арçынна урама илсе тухнă, çурт çывăхĕнчи сак çине лартса хăварнă, хăйсем пăрахса кайнă.

Çĕртме уйăхĕ яланах хĕрÿ ăмăртусен тапхăрĕ пулнă. Кăçал та çаплах пулĕ. Чи пысăк та пĕлтерĕшли - футболистсен тĕнчери XX чемпионачĕ. Ăмăрту Бразилире çĕртме уйăхĕн 12-мĕшĕнче пуçланать.

Çĕнĕ Шупашкар каччи, пултаруллă хоккеист Александр Протапович çĕр-шыври çамрăк хоккеистсен пĕрлештернĕ командин йышне кĕнĕ.

Çакнашкал ятпа Элĕк районĕн музейĕнче сăмаварсен куравĕ уçăлнă. Учрежденире авалхи вун-вун савăт упранать, музее килекенсем вĕсемпе яланах кăсăкланаççĕ.

Иртнĕ вырсарни кун Ишек пасарне кĕрсе тухма тиврĕ. Чылай çул каялла пулнăччĕ-ха кунта. Виçĕм кунхи пулăм манăçми ачалăхра упранса юлнă çак саманта куç умне тепĕр хут кăларчĕ: эпĕ, ялти шкулăн пуçламăш класĕнче вĕренекенскер, Ишек пасарĕнче пулнине тантăшсем мăнаçланса-мухтанса каласа панине итлесе йăлăхнăран, кукамая пĕр-пĕр кун мана та хăйĕнпе унта илсе кайма тилмĕрме пуçларăм. Ÿкĕте кĕртрĕмех хаклă çыннăма. «Ыран ирпе ирех, хĕвел тухичченех çула тухăпăр эппин», - терĕ вăл мана ачашшăн çупăрласа. Çав вăхăтрах çул çывăх марри çинчен те асăрхаттарчĕ. Шеллерĕ-ши?

Аслăрах ÿсĕмрисем иртнĕ ĕмĕрĕн çитмĕлмĕш çулĕсен пуçламăшĕнче курăк ĕнсе каймаллах шăрăх тăнă çу кунĕсене лайăх ас тăваççĕ ĕнтĕ. Юр ирĕлнĕренпех çумăр пулманран ялсенче çăлсем типнĕччĕ. Çĕр улмине вăрлăхлăх та пухса илеймерĕмĕр.

«Хыпар» Издательство çуртне нумаях пулмасть Зоя Сергеевна Никонорова /хĕр чухнехи хушамачĕ Сергеева/ кĕрсе тухрĕ.

Нумаях пулмасть чăваш кинематографисчĕсен пĕрлĕхĕ чăмăртанчĕ. Хальхи вăхăтра чăваш кино ăстисен умĕнче мĕнлерех çивĕч ыйтусем тăраççĕ? Мĕн савăнтарать, пăшăрхантарать вĕсене?

Кама мĕнле те, мана тĕрĕ юлашки вăхăтра çĕнĕрен йăл илнĕ пек туйăнать. Ялти хĕрарăмсем кăна мар, хуларисем те тĕрлеççĕ халĕ. Паллах, чат авалхи тĕрĕ мар ĕнтĕ вăл, çапах та алă ĕçне манманни паха.