Архив - 11 Июн, 2014 - Хыпар

Кориандр - пурте пĕлекен кинза ÿсен-тăранăн çимĕçĕ. Унăн сиплĕхĕ çинчен пин çул каяллах пĕлнĕ, сывалма, организма çирĕплетме усă курнă.

Кинзăн эфир çăвĕсемпе пуян çак вăрри антисептик, сурана ÿт илме пулăшакан, ыратнине ирттерекен, ват шĕвекĕ кăларакан, апат ирĕлессине лайăхлатакан витĕмпе палăрса тăрать.

Медицина ĕçченĕн кунĕ умĕн, çĕртме уйăхĕн 10-мĕшĕнче, Чăваш патшалăх оперăпа балет театрĕнче Чăваш хутлăхĕн сывлăх сыхлавĕн тытăмĕнче вăй хуракансем савăнăçлă уява пуçтарăнчĕç.

 Вăрмар районĕнчи Энĕшпуç сали ку тăрăхри алă ăстисен сăпки тесен те йăнăш мар пуль.

Çĕнĕ Эйпеç - Елчĕк районĕнчи чи илемлĕ, ешĕл те хăйне евĕрлĕ хăтлă вырăн.

Шăмат кун, çĕртме уйăхĕн 14-мĕ¬шĕнче, Чăваш Енре сывлăхпа спорт кунĕ иртĕ. Чăваш Ен Пуçлăхĕ Михаил Игнатьев указĕпе килĕшÿллĕн палăртнă кун çынсен кашни уйăхра спорт керменĕсене тÿлевсĕр çÿреме ирĕк пур.

/Хальхи чăваш кинематографĕн вăрттăн туртăмĕ пирки/

 Чăваш киновĕ - «Хыпарăн» кăçалхи тĕп темисенчен пĕри. Хаçат тĕпелĕнче иртнĕ «çавра сĕтел» пирки çырнине В.Багадерова «Мĕн пур искусствăран пĕлтерĕшли - кино» тесе ят панă /2014, çĕртме, 4/. Ятне вăл Вячеслав Оринов сăмахĕнчен илнĕ, Оринов - Ленинран. Çак сăмахсем паянхи чăваш чун тăрăмне тĕп-тĕрĕс палăртаççĕ. «Эп мĕн туни кăна пĕлтерĕшлĕ», «Эп кăна тĕрĕс», «эп кăна çын», «эп мĕн с...и те ылтăн»... Чăваш поэчĕ-прозаикĕсен, художникĕ-скульпторĕсен, композиторĕсен тата ытти ÿнерçĕ ĕçĕ вара пĕлтерĕшлĕ мар-и?

Китайра асамлă пĕр вырăн пур. Унта пуянсем те, чухăнсем те, палăрнисем те, ахаль çынсем те лекме тăрăшаççĕ. Анчах Шаолинь хăйĕн вăрттăнлăхĕсене пурне те уçса памасть, чунпа таса çынсене кăна йышăнать.

Тĕнчепе килĕшÿре

Шупашкарти Богдан Хмельницкий урамĕнчи 127-мĕш çуртра пурăнакансенчен редакцие темиçе хутчен те çыру килчĕ. Вĕсем подьезда тирпейлекен Нюрăпа питĕ кăмăллă пулни пирки пĕлтереççĕ, ун çинчен хаçатра çырса кăларма ыйтаççĕ.

Нюра аппана шыраса палăртнă адреспа ятарласа кайса килтĕмĕр.

Вăл тирпейлесе тăракан пилĕк хутлă çурта хăпарса куртăмăр. Чăннипех те таса та тирпейлĕ. Сахал йышлă çемьесем валли купаланă çуртра пĕтĕмпе 68 хваттер. Çавăнпа ĕçĕ кунта пайтах. Картишĕнче те, çурт йĕри-тавра та типтерлĕччĕ.

Пирĕн мăн асаттесем юманпа сиплевре анлă усă курнă. Тĕслĕхрен, чирлĕ ачасене вăрмана илсе кайнă та çурмалла çурăлнă çамрăк юман урлă виçĕ хут каçарнă, унтан ăна çиппе çыхнă.