Архив - 25 Мар, 2014 - Хыпар

Пуш уйăхĕн 21-мĕшĕнче 18 сехет иртсен Чул хула чукун çулĕн Шупашкарти 2 станцийĕ çывăхĕнче /9-мĕш километрти пост/ Шупашкартан Мускава çула тухнă пассажир пуйăсĕн тепловозĕн 2-мĕш секцийĕ шал енчен хыпса илнĕ.

«Коррупци ыйтăвĕ çивĕч, вăл çывăх вăхăтра сирĕлесси иккĕленÿллĕ. Çапах унпа кĕрешни тивĕçлĕ кăтарту кÿрет. Шел те, çак ыйтăва хăшĕсем политика шайне çĕклеме тăрăшаççĕ...» - çапларах пуçларĕ республика Пуçлăхĕ Михаил Игнатьев ЧР Пуçлăхĕ çумĕнчи Коррупципе кĕрешекен координаци канашĕн ĕнер иртнĕ ларăвне.

Пуш уйăхĕн 24-мĕшĕнче Чăваш Ен Пуçлăхĕ Михаил Игнатьев республика Правительствин членĕсемпе, федерацин ĕç тăвакан влаç органĕсен территори управленийĕсен тата хула округĕсен ертÿçисемпе канашлу ирттернĕ.

Малтанах Михаил Игнатьев Сергей Скворцова Чăваш Республикин Патшалăх ветеринари службин ертÿçине - патшалăх тĕп ветеринари инспекторне уйăрса лартни çинчен пĕлтернĕ, ăнăçлă ĕçлеме суннă.

Çак кунсенче Чăваш Ен спортсменĕсем Мускавра пауэрлифтинг енĕпе иртнĕ çĕр-шыв чемпионатĕнчен медальсемпе таврăннă. Ăмăртура хĕрсемпе яшсем, арçынсемпе хĕрарăмсем вăй виçнĕ.

И.Я.Яковлев ячĕллĕ Чăваш патшалăх педагогика университетĕнче вĕренекенсен хĕрÿ тапхăр - "Студентсен çуркунни-2014" фестиваль - пуçланнă.

Чăваш Ен Халăха ĕçпе тивĕçтерекен патшалăх службинче иртнĕ эрнере республикăра инвалидсене ĕçе вырнаçтармалли мероприятисемпе çыхăннă ыйтусене сÿтсе явнă.

Республика Пуçлăхĕ Михаил Игнатьев ертсе пынипе ЧР Экономика канашĕн ларăвĕ иртрĕ. Михаил Васильевич Украинăна Чăваш Ен пĕлтĕр 48 млн АПШ долларĕ чухлĕ тавар ăсатнине, çакă Никама Пăхăнман Патшалăхсен пĕрлĕхĕнчи çĕр-шывсен пĕрлехи экспорчĕн 67 проценчĕ пулнине пĕлтерчĕ. Кăçал Украинăпа хутшăнусен пахалăхĕ улшăнма пултарасса, апла пулин те килĕшÿсене сыхласа хăварма майсем шырамаллине систерчĕ.

Пуш уйăхĕн 20-мĕшĕнче пирĕн ентеш, РФ физкультурăпа спортăн тава тивĕçлĕ ĕçченĕ, СССР спортăн тава тивĕçлĕ мастерĕ, Олимп чемпионĕ Владимир Воронков 70 çулхи юбилейне паллă тунă.

Пирĕн ентеш - Олимп паттăрĕ

Питĕ кăткăс, çав вăхăтрах интереслĕ саманара пурăнатпăр. Куç умĕнчех тĕнче историйĕ çырăнать. Крым Республики Раççей Федерацийĕн йышне кĕчĕ. «Истори чăнлăхĕ çиеле тухрĕ», - тесе хаклать чылайăшĕ çак пулăма.

Çак сăмахсене Кивĕ Улхашра ĕçлесе пурăнакан Николай Кадебин пирки каланăнах туйăнать. Вăл - Чăнлă районĕн Хисеплĕ гражданинĕ, РСФСР çут ĕç отличникĕ, РФ тава тивĕçлĕ вĕрентекенĕ. Николай Константинович Пухтелти тата Кивĕ Улхашри вăтам шкулсен директорĕнче нумай çул ĕçленĕ. «Старые Алгаши» тата «В бой иду за вас, родные» кĕнекесен авторĕ. 70 çулти арçын юратнă ĕçне пăрахман-ха, тăван шкулта ачасене ÿкерме вĕрентет.

- Николай Константинович, ачалăхăр çинчен каласа параймăр-и?