Архив - Янв 2014 - Хыпар

Фашизма çĕнтернĕренпе вун-вун çул хыçа юлчĕ ĕнтĕ. Фронтран таврăнайман ентешĕсене ял-йыш ĕмĕрех асра тытать.

Тăван çĕр-шывăн Аслă вăрçинче пуç хунă паттăрсене асăнса Канаш районĕнчи Шăхальте лартнă палăка та ял çыннисем пăхсах тăраççĕ, ăна çĕнетсе тирпей-илем кÿнĕ, тавралла карта тытнă.

Палăртнă кун кунта ял çыннисем, ветерансем пухăннă. Район администрацийĕн пуçлăхне Владислав Софронова, республикăри çар комиссариачĕн Канаш хулипе, Тăвай тата Канаш районĕсемпе ĕçлекен уйрăмĕн ĕçченне Андрей Наймушина ăшшăн кĕтсе илнĕ.

Санитари хÿтлĕхĕн зонинче нумай хваттерлĕ çурт çĕклеме юрать-и? Хуравĕ строительство организацийĕсемшĕн кăна мар, ахаль граждансемшĕн те интереслĕ.

Трак тăрăхĕнчи Çĕньял Упире çуралса ÿснĕ Саша Яковлев тăван ялти шкулта вĕреннĕ чухнех çитĕнсе çитсен хаçатçă /хальхилле каласан - журналист/ пулма ĕмĕтленнĕ. Вун икĕ çулта чухне пирвайхи сăввисемпе заметкисем районти "Ял пурнăçĕ" хаçатра, тепĕр çул вара Шупашкарта çĕнĕрен тухма пуçланă "Пионер сассинче" пичетленнĕ.

Ыйхă пăсăлни кашнин тĕрлĕрен палăрать: пĕрисем каçхи вуннăрах анаслама пуçлаççĕ, теприсем çывăрса каяймасăр аптраççĕ, çĕрле темиçе те вăранаççĕ, ирхине вара куçне аран уçаççĕ. Кун пек чухне хăвăрăн биологи сехетне тĕрĕслемелле.

Кая юлни

Биологи сехечĕ юлса пырсан çын çĕрле вăтамран 2 сехетре кăна çывăрса каять. Будильник лартмасан кăнтăрлачченех çывăрма пултарать. Анчах тăмаллах-çке. Çавăнпа талăкра 4-5 сехет çеç çывăрма тивет.

Кĕлетке тÿрĕлĕхĕ /осанка/ пăсăлнă çынсен йышĕ нумайланса пырать. Çак çынсем çурăм шăммин, мимин тымарĕсен чирĕсемпе аптрама пуçлаççĕ. Çавна май вĕсемпе çыхăннă органсен ĕçĕ япăхать.

Шăк хăмпин шыççине /цистит/ аталанма ялан шăнни хĕтĕртет. Чир йывăрлансан кĕлетке температури 37 е ытларах градуса çити хăпарать, хырăм айĕнче касса е туртса ыратать. Шăкра юн курăнма пултарать.

Чир сăлтавĕсем

Шăк хăмпин лăймака сийĕ шыçнин сăлтавĕ чылай. Тĕслĕхрен, хĕрарăм туалета вăхăтра каймасан та цистит пуçланас хăрушлăх пур. Çапах та чир ытларах чухне ялан шăнсан, уйрăмах урапа хырăм айне шăнтсан, аталанать.

Чăваш Ен Пуçлăхĕ Михаил Игнатьев ĕнер Правительство çуртĕнче республикăри агропромышленноç комплексĕн ĕçченĕсемпе тĕл пулчĕ.

Чăваш Енре маршрут таксийĕсене ларнăшăн транспорт карттин, çавăн пекех УЭК пулăшăвĕпе усă курса тÿлеме пулать. Çак меслет 2013 çулхи раштав уйăхĕнчен пуçласа вăя кĕнĕ. Укçасăр тÿлев терминалĕсене Çĕнĕ Шупашкарти 14, 20 /-лĕ маршрут таксийĕсенче тата хуласен хушшинчи 626, 265.1, 555, 112, 536 /-лĕ микроавтобуссенче çирĕплетнĕ. Çакăн пирки "Пĕрлехи транспорт картти" ОООра пĕлтереççĕ.

Эпир ĕçленĕ тапхăрта кунашкалах марччĕ пек туйăнать. Ун чухне субботник е тасалăх кунне тăтăш ирттернĕ. Пурăнакан çуртсен таврашне, общество вырăнĕсене тасатса-тирпейлесе тăраттăмăр. Пухăннă таса марлăха е турттарса тухнă, е вырăнтах сăнаса тăрса çунтарнă, е шырлана тăкса çĕрпе хупланă.

Етĕрне районĕнчи ял тăрăхĕсен пуçлăхĕсем кăçалхи пĕрремĕш канашлăва район администрацийĕн ларусем ирттермелли залне пухăнчĕç. Администраци пуçлăхĕ В.Кузьмин вĕсене Çĕнĕ çулпа саламларĕ, вăл ăнăçлă пуласса шаннине пĕлтерчĕ. Çак шанăç пĕлтĕр япăх мар ĕçленипе çыхăннă.