Архив - 28 Янв, 2014 - Хыпар

• Предварительные итоги социально-экономического развития республики.
• 70 лет со дня снятия блокады в Ленинграде.
• Спортсмены не боятся мороза.
• Республика приняла более 3 тыс. детей.
• Чувашские художники - на выставке в Китае и в большой энциклопедии.
• Реклама. Объявления. Обратите внимание: авиабилеты в грузию от Трэвел мастер это самый легкий способ найти. самые дешевые авиабилеты онлайн

Канмалли кунсенче çанталăк сивĕ тăчĕ, çапах та спортпа туслисемпе сывă пурнăç йĕркине пăхăнакансем йĕлтĕр çине тăма шикленмен. Ветерансем тата çемьесем Шупашкарти Олимп резервĕсен ятарлă 2-мĕш спорт шкулĕнче Чăваш Республикин Пуçлăхĕн Михаил Игнатьевăн парнисене çĕнсе илессишĕн иртнĕ ăмăртусене хутшăннă.

Тăван çĕр-шывăн Аслă вăрçин юлашки залпĕсем тахçанах кĕрлесе иртнĕ ĕнтĕ, анчах фронтовиксен тата тыл ĕçченĕсен паттăрлăхĕпе хăюлăхĕ, çутă тĕллевшĕн хăйсене хĕрхенменни ĕмĕр-ĕмĕр вун-вун ăру асĕнче пулĕç.

Кăрлач уйăхĕн 27-мĕшĕнче Чăваш Ен Пуçлăхĕ Михаил Игнатьев республика Правительствин членĕсемпе, влаçăн территори органĕсен тата муниципалитетсен ертÿçисемпе канашлу ирттернĕ.

Экономика аталанăвĕн, промышленноçпа суту-илÿ министрĕ Владимир Аврелькин республикăн 2013 çулхи социаллă пурнăçĕпе экономикин аталанăвĕн пĕтĕмлетĕвĕпе паллаштарнă. Отчетлă тапхăрта строительство ĕçĕ, хута янă çурт-йĕр калăпăшĕ, ваккăн сутмалли тавар çаврăнăшĕ, тÿлевлĕ пулăшу, номинал тата чăн ĕç укçи, халăхăн укçа тупăшĕ ÿснĕ.

Республикăри ĕçлев службин тĕп тĕллевĕсенчен пĕри - патшалăх пулăшăвĕпе граждансене тивĕçтерессине ÿстересси. Çак задачăна ăнăçлă татса парас тесе иртнĕ çул Чăваш Енре халăха ĕçпе тивĕçтерекен центрсен мобильлĕ 12 офисĕ ĕçленĕ.

2013 çулта вĕсем 551 хут тухса çÿренĕ

Раççей Федерацийĕн Федераци Канашĕн Социаллă политика комитечĕн председателĕ, Раççей пенсионерĕсен союзĕн ертÿçи Валерий Рязанский РФ Пенси фончĕн Чăваш Республикинчи уйрăмĕнче ветерансен общество организацийĕсен представителĕсемпе тата массăллă информаци хатĕрĕсен журналисчĕсемпе тĕл пулчĕ. Асăннă мероприятие РФ Пенси фончĕн Чăваш Республикинчи уйрăмĕн управляющийĕ Роза Кондратьева, Раççей пенсионерĕсен союзĕн регион уйрăмĕн председателĕ Валерий Сапожников, ЧР сывлăх сыхлавĕпе социаллă аталану министрĕн çумĕ Александр Медюков хутшăнчĕç.

Çĕрпÿ районĕнчи Чиркÿллĕ Ямашри клубра çак кунсенче харăсах икĕ мероприяти иртнĕ: тĕплĕ юсав хыççăн курав залне уçнă тата ентешĕн, Александр Сергеев композиторăн 80 çулхи юбилейне паллă тунă.

Нарăсăн 7-мĕшĕнче Сочире пуçланакан хĕллехи Олимп вăййисене пурте чăтăмсăррăн кĕтеççĕ. Чăваш Ен те тĕнчери чи пысăк ăмăртăвăн пĕр пайĕ пулса тăчĕ, çакă чăваш хĕрĕн Сильвия Петровăн ячĕпе уйрăмах çыхăннă.