Архив - 22 Янв, 2014 - Хыпар

22 Янв, 2014

Кăтартусен ÿсĕмĕ пулмалла

Иртнĕ эрнере республика Пуçлăхĕ М. Игнатьев район администрацийĕсен, ял хуçалăх организацийĕсен, тирпейлекен предприятисен ертÿçисене пуçтарса вĕсемпе агропромышленноç комплексĕн малашнехи аталанăвĕ çинчен калаçнă, пĕлтерĕшлĕ ыйтусене сÿтсе явнă.

Патшалăх ял хуçалăхне тĕрлĕ енлĕ пулăшать. Иртнĕ çул пулăшу сумми 2,45 млрд тенкĕпе танлашнă, 2012 çулхинчен 19 процент ытларах. Çакна палăртнă чи малтанах хăйĕн сăмахĕнче Михаил Игнатьев.

22 Янв, 2014

Потребитель хакĕсен раштаври индексĕ

Таварпа пулăшăвăн потребитель хакĕсен 2013 çулхи раштав уйăхĕнчи индексĕ чÿк уйăхĕнчин - 100,4, малтанхи çулхи çав вăхăтрин 106,3 проценчĕпе танлашнă.

Пĕлтĕрхи раштав уйăхĕнче апат-çимĕç таварĕ - 100,2, çулталăк пуçланнăранпа 106,3 процент хакланнă.

22 Янв, 2014

Вĕсем ĕç параççĕ

Республика Пуçлăхĕ Михаил Игнатьев иртнĕ эрнере Шупашкарта вăтам тата пĕчĕк предпринимательсемпе тĕл пулчĕ. Республикăн экономика аталанăвĕ, промышленноç тата суту-илÿ министрĕ Владимир Аврелькин вĕсем Чăваш Ен экономикине пĕлтĕр хывнă тÿпене тивĕçлипе хак пачĕ.

Курăмлă тÿпе

22 Янв, 2014

Ырă пулăмăн сумĕ пысăк

Йышĕпе ултă пин çынна çывхаракан Шăнкăртам ялĕ районпа республикăра çеç мар, Раççейре те пысăк ялсенчен пĕри шутланать. Паян унталла та кунталла сарăлсах пыракан вăтăр сакăр урамра икĕ пине яхăн çемье тымар янă. Ял хушшипе выртакан çулĕ те самаях вăрăм: 39 çухрăма тăсăлать! Вырăнтах икшер пысăк вăтам шкулпа ясли-сад, культура çурчĕ, çыхăну уйрăмĕ, фельдшер, ветеринари пункчĕсем, лавккасем... Пĕринчен тепри хăтлă капмар çуртсем мĕне тăраççĕ! Урăхла каласан, çак яла пырса кĕрсенех халăх халсăр марри, ытлă-çитлĕ пурăнни сисĕнет.

22 Янв, 2014

Мурманскри ентешсем канма пĕлеççĕ

Юлашкинчен иртнĕ халăх çыравĕ тăрăх - Мурманск облаçĕнче 3 пине яхăн чăваш тĕпленнĕ. Тĕрлĕ наци çыннипе килĕштерсе пурăнаççĕ вĕсем, чылай мероприятие хастар хутшăнаççĕ.

22 Янв, 2014

Кире пуканĕпе туслă

Чăваш Енре кире пуканĕ тата штанга йăтасси чылай çул каяллах аталанма тытăннă. Спортăн çак тĕсĕпе кăсăкланакансен йышĕ паян та сахал мар. Тимĕр вăййипе туслисенчен пĕри - Елчĕк районĕнчи Çĕнĕ Пăва каччи Денис Семенов.

22 Янв, 2014

Йĕлтĕр йĕрĕ яп-яка...

Çак кунсенче Шупашкарти йĕлтĕр базинче хĕрÿ тапхăр: ăмăрту хыççăн ăмăрту. Йĕлтĕрçĕсемпе биатлонçăсем пĕр-пĕринпе тупăшаççĕ тейĕн. Мĕнех калайăн - хĕллехи сезон. Тата кăçал пирĕн çĕр-шывра - Олимп çулталăкĕ. Çавăнпа кашни ăмăртăва нарăсăн 7-мĕшĕнче Сочире пуçланакан Хĕллехи Олимп вăййисене халалланă.

22 Янв, 2014

Шкул Олимп вăййисене хатĕрленет

Шупашкарти Олимп резервĕсен ятарлă 2-мĕш спорт шкулĕ 1994 çулта уçăлнă. Çак тапхăрта унта ăсталăха туптанă йĕлтĕрçĕсемпе биатлонçăсем, фристайлçăсемпе конькипе чупакансем çитĕнÿпе сахал мар палăрнă.