Архив - Фев 2019

февраль 18th

Нумай япала, пулăм çинче никĕсленет çын пурнăçĕ. «Хырăм тутă, çи-пуç питĕ — урăх мĕн кирлĕ?» — текен каларăш пур чăвашăн. Анчах та лайăх шухăшласа пăхсассăн — кирлĕ-мĕн. Чун тени канăç памасть кун пек чухне. Тĕлĕнмелле, куçа та курăнмасть вăл, тытса пăхма та çук ăна, анчах та çав вăхăтрах тунсăхлать, макăрать, савăнать, кулать… «Хырăм выçă чухне чун пирки шухăшлама-и?» — тесшĕн-и? Анчах вăл пире кĕтсе лармасть, хăйĕн пирки аса илтерсех тăрать. Чунра лайăх пулсан кăна хамăра тулли телейлĕ туймастпăр-и вара эпир?

РФ Президенчĕн Атăлçи округĕнчи полномочиллĕ представителĕ Игорь Комаров Чулхулара «Раççей телекурав тата радиохыпарлав сечĕ» предприятин генеральнăй директорĕпе Андрей Романченкăпа тĕл пулса округра телекурава цифра çине куçарассине сÿтсе явнă.
Чăваш Енре аналог телекуравне ака уйăхĕн 15-мĕшĕнче чараççĕ. Пирĕн республикăра цифра эфирĕн 42 объектне туса лартнă. Çавăнпах ялсенче абонент тÿлевĕсĕр 20 канал пăхма май пулĕ.

февраль 15th

Римма Ильинична ПЕТРОВА Шупашкар районĕнчи Ырашпулăх ялĕнче çуралса ÿснĕ. Ишекри вăтам шкултан вĕренсе тухсан Шупашкарти И.Я.Яковлев ячĕллĕ Чăваш патшалăх педагогика институтне вĕренме кĕнĕ, унтан И.Н.Ульянов ячĕллĕ Чăваш патшалăх университетне куçнă.

Унпа паллашнăранпа 30 ытла çул та иртрĕ ĕнтĕ. Астăватăп-ха, 1988 çулхи раштав уйăхĕн 10-мĕшĕнче Авăркас район центрĕнчи Толбазăри дубляжпа тухса тăракан «Çĕршыв çулĕ» хаçат редакцийĕнче «Шуратăл» литпĕрлешĕвĕн анлă ларăвĕ иртнĕччĕ. Унăн ĕçне литпĕрлешÿ хастарĕсемпе пĕрле Шупашкартан килсе çитнĕ Виталий Енĕш, Атнер Хусанкайпа Федор Мадуров та хутшăннăччĕ.

«Хитре, хитре тееççĕ, хитре мĕнле пулать-ши?» — çапла лартать ыйтăва чăваш. Шăп çакăнтан пуçланать те ĕнтĕ илем философийĕ. Чăвашсем çеç мар, ытти халăхсем те çавах, илем пирки шутлаççĕ, ун вăрттăнлăхне пĕлме тăрăшаççĕ.

Кашни çын илем тĕнчине килет. Куçне уçнă-уçманах ăна илем ыталаса илет те пурнăç тăршшĕпех хавхалантарса, килентерсе пырать. Вилсен те илем йĕркине тытса пырса ăсатса яраççĕ.

Эпĕ ыйтăва «Хыпар» урлă ертÿçĕсем патне çитересшĕн. Хаçатра сĕт хакĕ çинчен час-часах çыратăр, анчах пахалăхне лайăхлатассишĕн çине тăрса ĕçлени сисĕнмест. Мĕншĕн апла калатăп-ха?

Канаш районĕнчи Алешево ялĕнче пурăнакан Григорьевсен çемйинче ĕçе пĕр-пĕрин хушшинче пайласси çук. «Эпĕ хресчен-фермер хуçалăхне хама шанса йĕркеленĕ, — терĕ Алексей Юрьевич. — Çавăнпа фермăри пĕр ĕçе те тиркеместĕп.

Страницы