Архив - 7 Мар, 2018

«Хĕрарăмăн çÿçĕ вăрăм, ăсĕ кĕске», — тенĕ авалтан. Паянхи кун ун пирки апла калаймăн. Хĕрарăм халĕ арçынпа тан тĕнче уçлăхне вĕçет, предприяти-организацие ертсе пырать, вăйлă техникăна алла илет. Çав вăхăтрах вăл юратнă анне, ăш пиллĕ кил хуçи, савнă мăшăр.
Маларах илсе кăтартнă ăнлава республикăри паллă хĕрарăмсем паян епле йышăнаççĕ-ши? Çулсем иртнĕçемĕн хĕрарăм хастарлăхĕ, пултарулăхĕ вăйланса пыни палăратех.
Лариса ПЕТРОВА, Шăмăршă районĕнчи Анат Чаткас ял тăрăхĕн пуçлăхĕ:

* «Тетте» журнал тусĕсем валли кăсăклă хыпар! 0+

* Чăвашла калаçма хăнăхтараççĕ

«Тетте» журнал Чăваш наци радиовĕн «Шăпăрлан» кăларăмĕпе туслашрĕ. Çавăнпа та, пĕчĕк тусăмăрсем, сирĕн сăвăсене е юмахсене малашне радиокăларăмра итлеме май пулĕ. Хастартарах! Хăвăрăн ĕçсене «Тетте» журнала ăсатăр. Чи лайăххисем «Шăпăрланра» янăрĕç.

Рената Волкова ертсе пыракан ача-пăча кăларăмне пуш уйăхĕн 11-мĕшĕнче 10 сехет те 20 минутра итлĕр. «Тетте» журналта тухнă кăсăклă материалсем çинчен Валентина Федорова корреспондент каласа парĕ.

Нарăс уйăхĕн 15-25-мĕшĕсенче Тюмень облаçĕнчи чăвашсене пĕрлештерсе тăракан «Тăван» ассоциаци йĕркеленипе ку тăрăхра чăваш чĕлхи кунĕсем иртрĕç. Ăна чăвашсен пĕрремĕш профессорĕ, «Хыпар» хаçат никĕслевçи Николай Никольский çуралнăранпа 140 çул çитнине халалланă.

«Çавра сĕтелре»

Шупашкарти 12-мĕш шкулти «ЭКО-мы» отряд (ертÿçи — З.Максимова) Пĕтĕм Раççейри волонтер пуçарăвĕсен «Ырă тăвас килет» конкурсĕнче çĕнтернĕ.

Конкурс икĕ тапхăрпа иртнĕ: халăх сасăлавĕ тата эксперт хаклавĕ. «ЭКО-мы» отряд «9-13 çулсенчисем» категорие хутшăннă. Жюри 194 проектран 17-шне суйланă, çав шута «Чăваш Енĕн Хĕрлĕ кĕнеки» те кĕнĕ. Ачасем проекта малашне те аталантарĕç.

Пĕтĕм тĕнчери хĕрарăмсен кунĕ çывхарса пынă май пирĕн пĕчĕк вулакансем пуринчен ытла амăшĕсене савăнтарма ĕмĕтленеççĕ пек туйăнать. Кам-ха вăл анне? Пирĕн таврари ытти çынран мĕнпе уйрăлса тăрать? Пирĕн пурнăçра мĕнле вырăн йышăнать? Паянхи ыйтăма хутшăнакансем шăпах çак ыйтусене хуравлĕç.

Валерия ПАХОМОВА, 7-мĕш класс
(Етĕрне районĕ, Мăн Явăш шкулĕ):