Архив - 15 Мая, 2017

* Йăхташăмăр - Раççей футболисчĕсен йышĕнче

* Чăвашла пĕлни генерала та килĕшнĕ

* Станок умĕнче - кÿме çинчи сусăрсем

* Ырăлăх сăпкинче

* Малтанхи упăшка ытамĕнче

* Чун "аптеки"

* Искусство çулĕ те кукăр

Тĕплĕнрех...

Аслă шкулта пĕлÿ илнĕ вăхăтра пулас упăшкапа пĕр общежитире пурăнтăмăр. Ытти студент пекех выçăллă-тутăллă çÿрекенскерне шеллесе яшка антарса параттăм. Анне кукăльне те касса çитереттĕм ăна. Уявсенче Атăл хĕрринче уçăлса çÿрени те çывăхлатрĕ иксĕмĕре. Юлашки курсра вĕреннĕ чухне пĕр пÿлĕме куçнăччĕ ĕнтĕ эпир. Алла диплом илсенех тăвансем çине тăнипе мăшăрлантăмăр. Часах йыш хушăнчĕ, çут тĕнчене ывăл килчĕ.

Çу уйăхĕн пуçламăшĕнче Тутарстанра мечĕк турнирĕсем пуçланнă. Нурлат районĕнчи Якуркелĕнче П. Михеев ячĕллĕ футбол ăмăртăвĕ иртнĕ. Çавнашкалах Пăва районĕнчи Тăхăрьялсем Хирти Кушкăсемпе тĕл пулнă. Йăхташăмăрсем йĕркеленĕ «ЧНКА» футбол команди Хусанти «Дубравăпа» вăй виçнĕ. Чăвашсем 2:1 шутпа мала тухнине палăртма уйрăмах кăмăллă.

Полици полковникĕ Петр Петров — Чĕмпĕр тăрăхĕнчи чăвашсене пĕрлештерекен общество юхăмĕн хастарĕ. Ăна тăван халăх кун-çулĕ, иртнипе пуласлăхĕ канăç памасть.

«Манăн служба ăнăçлă иртрĕ. Кун йĕркине иртен пуçласа çĕрлеччен хут çине палăртса пынă. Планланă пур ĕçе те пурнăçлама тăрăшнă», — тет Петр Иванович.

Чăваш Енре вăйпитти ÿсĕмри инвалидсенчен кашни иккĕмĕшне çитес виçĕ çулта ĕçпе тивĕçтерме палăртнă. 2017 çул вĕçленнĕ тĕле вĕсенчен кашни виççĕмĕшĕ вăй хума тытăнĕ.