Прокурорпа паллаштарнă
Нарăсăн 7-мĕшĕнче Чăваш Ен Пуçлăхĕ Михаил Игнатьев çут çанталăка сыхлакан прокурорсемпе тĕл пулнă. Атăлçири регионсен хушшинчи çут çанталăка сыхлакан прокурор Вениамин Селифанов Шупашкарти çут çанталăка сыхлакан прокуратурăн çĕнĕ прокурорĕпе Ирина Бородинапа паллаштарнă.
Çĕр çине килнĕ чун пурăнма çуралать. Шел те, хăшĕ-пĕрне çут çанталăк сывлăх енчен кÿрентерет. Пĕрисем хăрах алăсăр çут тĕнчене килеççĕ, теприсем кĕске ураллă çуралаççĕ... Мĕн пĕчĕкренех куç курманнипе, хăлха илтменнипе аптăракан та сахал мар.
Çак çĕр çине этем хăйĕн çĕклемне йăтма килет. Чăваш Республикин искусствăсен тава тивĕçлĕ деятелĕн Марина КАРЯГИНĂН çĕклемĕ вара — литературăпа искусство. Ентешĕмĕн пултарулăх сунтăхĕнче веçех пур: сăвă-поэма, калав-повеç, сценарисем, хăй режиссер пулса ÿкернĕ фильмсем... Театр искусствине те вăл хăюллăнах пырса кĕчĕ. Марина Карягинăн «Кĕмĕл тумлă çар» хайлавĕпе Çамрăксен театрĕ лартнă спектакль тĕнче шайне тухрĕ. Часах çак пьеса, кĕнекере виçĕ чĕлхепе /чăвашла, вырăсла, акăлчанла/ пичетленнĕскер, вулаканшăн парне пулĕ. Марина Карягина 2011 çулта «Чĕнтĕрлĕ чаршав» театр конкурсĕнче «Çулталăкри чи лайăх драматург» ята тивĕçрĕ, 4 çул каялла вара ЧР Патшалăх премине илчĕ. Пĕлтĕр К.Иванов ячĕллĕ Чăваш патшалăх академи драма театрĕн сцени çине унăн пьеси тăрăх хатĕрленĕ «Куккуклă сехет» спектакль тухрĕ.
Çулсерен республикăри вун-вун çамрăк педагог дипломне илет. Шел те, вĕсенчен чылайăшĕ ялти шкула кайса ачасене вĕрентесшĕн мар. Пĕрисене — хула пурнăçĕ, теприсене пысăк шалу илĕртет. Куславкка районĕнчи Энтри Пасар ялĕнче çуралса ÿснĕ Татьяна Логинова аслă пĕлÿ илсенех яла таврăннă. Елчĕк шкулĕнче чи çамрăк педагогсенчен пĕринпе, акăлчан чĕлхине вĕрентекенскерпе, тĕл пулса калаçма май килчĕ.
«Манран телейсĕр çын çĕр çинче пур-ши? Ыратман вырăн çук. Хаçат çырăнма та хăратăп: вилсе выртăп та çырăнни харама кайĕ», — терĕ Вăрмар районĕнчи Çÿлти Кинчер ялĕнче пурăнакан 77-ри Галина Смирнова. Мăнуксенчен чухăнни те пăшăрхантарать ăна: ара, ачи — 5, вĕсен тĕпренчĕкĕсем 3 çеç. Чи юратнă мăнукне, аслă хĕрĕн ывăлне, пытарма тивни вара унăн чунне ĕмĕрлĕхех амантнă.
Канаш районĕнчи Маяк ялĕнче пурăнакан пĕртăван 76-ри Клавдия Матросовăпа 82-ри Ольга Ендеровăран чылайăшĕ тĕлĕнет-тĕр. Мĕншĕн тетĕр-и? Тивĕçлĕ канури икĕ хĕрарăм картиш тулли выльăх усрать. Килсе курман пулсан çын сăмахне хам та ĕненес çукчĕ. Кинемейсем икĕ ĕне, пăру, 20-е яхăн сурăх, чăх-чĕп, хур-кăвакал тытаççĕ. Эпир пынă вăхăтра картишре никам та курăнмарĕ. Кил хуçисене шыраса алăк хыççăн алăк уçрăмăр. Пÿртри пĕр пÿлĕмре чăхсем кăтиклетрĕç, тепринче диван çумĕнче пăру выртатчĕ. Сасă паракан çуккипе картише тухрăмăр. Кинемейсем витере пулнă иккен. Пире курсан иккĕшĕ те тухрĕç: пĕрин аллинче — мăлатук, теприн — пăчкă. Тивĕçлĕ канурискерсем вите алăкне юсама тухнă-мĕн. Пĕчĕкех мар хуçалăха тытса тăма арçыннăн çирĕп алли кирлĕ. Ватăсем иккĕн çеç пурăнаççĕ, кил-тĕрĕшри мĕн пур ĕçе хăйсенех пурнăçлама тивет. Малалла вулас...
СУРСКИЙ РУБЕЖСКИЙ
Чăвашла верси
Русская версия
