Архив - 2 Июн, 2016

«Ӳнерçĕ пекех, воспитатель пулма та Турă панă талант кирлĕ», — тенĕ нимĕç философĕ Карл Вебер. Пурнăçа çамрăкранах ачасемпе ĕçлессипе çыхăнтарма, кашни куна вĕсен тĕнчинче ирттерме пирĕнтен пурте пултараймаççĕ. Пĕчĕкскерсене воспитани пама, вĕсен кăмăлне тупма мĕн чухлĕ чăтăмлăх кирлĕ.

Юлашки вăхăтра çамрăксен хушшинче селфи ÿкерĕнесси анлă сарăлчĕ. Ку сăмахпа кĕсье телефонĕ фотоаппарат «тивĕçĕсене» пурнăçлама тытăннă хыççăн час-часах усă курма пуçларĕç. Халĕ ют чĕлхерен килнĕ сăмах пĕлтерĕшне ача садне çÿрекенрен пуçласа аслă ÿсĕмри çын таранах пĕлет.

Ĕнер Республика Пуçлăхĕ Михаил Игнатьев Шупашкарти çул çитменнисен реабилитаци центрĕнче Ачасене хÿтĕлемелли пĕтĕм тĕнчери куна халалласа йĕркеленĕ уява хутшăнчĕ.

Шăмăршă районĕнчи Карапай Шăмăршăра пурăнакан Ивановсем килен-каяна сĕтел хушшине лартса чей ĕçтермесĕр кăларса ямаççĕ. Кунта ирхи 4 сехетре ĕç «вĕреме» тытăнать. Хăнана хисеп туни темрен хаклине лайăх пĕлеççĕ вĕсем.

«Саша, тăр-ха, сăвă çыртăм», — ир-ирех вăратнă ашшĕ Александр Степанова. Ывăлĕн куçĕ уçăлнă-уçăлман вăл тин «пиçнĕ» сăвва янăраттарса вуланă. Пăртта Иванĕ сăвăсемпе юптарусен йĕркисене тĕлĕкре курсан çĕрлесерен тăрса вĕсене шурă хут çине çырнă, кайран хаçат-журналта пичетленĕ.

К.Иванов ячĕллĕ Чăваш патшалăх академи драма театрĕн артисткишĕн, киносценаристшăн тата чăваш эстрада юрăçишĕн Надежда КУЗЬМИНАШĂН çут çанталăк нимĕн те шеллемен: ăна ытарлă туйăм, шăпчăкăнни евĕр илемлĕ сасă, шăнкăр-шăнкăр шыв юххи пек кулă, чунра пытаннине сăвăласа кăларма ăсталăх панă.