Архив - 24 Апр, 2015

Республика Пуçлăхĕ М.Игнатьев ЧР Патшалăх ветеринари службине килти хуçалăхсем сутакан сĕт пахалăхне тĕрĕслесе палăртма хушрĕ. Çакна хăйсем патĕнче еплерех пурнăçласа пыни çинчен Çĕрпÿ зонин ветеринари лабораторийĕн ертÿçи Николай Кузьмин каласа парать.

Чăваш наци библиотекин, ЧР Профессионал писательсен союзĕн тата Чăваш кĕнеке издательствин пуçарăвĕпе 2003 çултанпа «Чăваш Ен литератури» конкурс иртет. Унта çавăн пекех муниципалитет вулавăшĕсем, вулакансем хастар хутшăнаççĕ. Çак тапхăрта вун-вун кĕнеке çĕнтерÿçĕ пулчĕ, пин-пин вулакан илемлĕ литературăпа çывăхланчĕ.

Ĕнер вара 2013 çулта кун çути курнă кĕнекесенчен чи лайăххисене палăртрĕç, çавна май Наци библиотекине районсенчен библиотекарьсемпе вулакансем, тĕп хулара пурăнакан çыравçăсем пуçтарăнчĕç.

Чăваш Енри Журналистсен союзĕн пуçарăвĕпе апрелĕн 16-17-мĕшĕсенче Шупашкарта хальхи вăхăтри массăллă информаци хатĕрĕсен тата кĕнеке кăларас ĕçĕн çивĕч ыйтăвĕсемпе регионсен хушшинчи форум иртрĕ.

Чăваш Республики апрель уйăхĕн 20 - 25-мĕшĕсенче иммунизацин Пĕтĕм тĕнчери сывлăх сыхлавĕн организацийĕн Европăри регион бюровĕ йĕркеленĕ эрнине хутшăнчĕ. Асăннă мероприятие ирттерме тытăннăранпа кăçал 10 çул çитрĕ, унăн тĕллевĕ - иммунизацири кăлтăксенчен хăтăласси тата ерекен чирсемпе вакцина профилактикин мелĕпе кĕрешни витĕмлĕреххине, прививкăсене пурте тивĕçме пултарни тата вĕсен хăрушсăрлăхĕ çинчен туллин ăнлантарса парасси.

Чĕмпĕр облаçĕнчи чăвашсем кăçал «Канаш» хаçатăн 25 çулхи юбилейне паллă турĕç. Хаçатăн пĕрремĕш номерĕ 1989 çулхи декабрĕн 30-мĕшĕнче кун çути курнă.

Анне телевизор пăхса ларать. Чăвашсен мухтавлă классикĕ Константин Васильевич Иванов çинчен кăларăм пырать.

- Çĕр çул иртсен те манмаççĕ-ха Иванова. Шкул ачисене пирĕн вăхăтри сăвăсенех вĕрентеççĕ иккен-ха, - хăй тĕллĕн калаçса ларать вăл.

Апрель уйăхĕнче Пĕтĕм Раççейри Куç курманнисен обществине туса хунăранпа - 90, унăн Чăваш Енри организацийĕ йĕркеленнĕренпе 85 çул çитнине паллă тăватпăр. Епле пурăнать хальхи саманара инвалидсен республикăри пĕрлĕхĕ, уявсене мĕнлерех кĕтсе илет?

Паллах вĕсем пурте, Тăван çĕршывăн Аслă вăрçин çапăçу хирĕсенче эрни-эрнипе окопсемпе траншейăсенчен, çĕрпÿртсенчен тухмасăр, пăшала алăран вĕçертмесĕр çапăçнă паттăрсем, нимĕç фашисчĕсене тĕппипе çапса аркатса тăнăç пурнăçа таврăнса хăтлă çурт-йĕр çавăрма, юхăннă хуçалăха çĕклеме, ача-пăча çуратса йăха тăсма ĕмĕтленнĕ. Нумайăшĕн ĕмĕчĕ чăнлăха çаврăнайман: вăрçă вут-çулăмĕнчен тухайман, «эпĕ чĕрĕ-сывă таврăнтăм!» тесе тăванĕсене савăнтарайман. Аслă Çĕнтерĕве туптанисен - чĕррисен тата пуç хунисен - умĕнче эпир кашниех татма çук пысăк парăмра.

Шăмăршă районĕн архивĕнче Патирекри «Сталь» колхозăн 1941-1945 çулсенчи пухăвĕсен протоколĕсем упранаççĕ. Шел, ытти хуçалăхсен вăрçă çулĕсенчи докуменчĕсем çук, вĕсем пурте пушарта çунса кайнă.

1941 çулхи пĕрремĕш пухура /февралĕн 14-мĕшĕнче иртнĕ вăл/ икĕ ыйту сÿтсе явнă: Шăмăршăри МТСпа килĕшÿ йĕркелесси тата Асанкасси вăрманĕнче торф кăларнă çĕре çынсем ярасси. Ун хыççăнхи пухусенче çур акине хатĕрленсе ирттерессине, выльăх-чĕрлĕхе ăнăçлă хĕл каçарассине сÿтсе явнă, бригадирпа ферма пуçлăхĕн, аслă конюхăн отчечĕсене итленĕ.

Республикăри хăш районта ялсем тата хуласем йышлăрах?

П.ПЕТРОВ. Вăрнар районĕ.

Ял йышлăлăхне палăртакан кăтартăва 100 тăваткал çухрăм лаптăкра вырнаçнă ялсен хисепĕ çине пайласа палăртаççĕ. Раççей Федерацийĕнче çак кăтарту вăтамран 0,9-па танлашать. Чăваш Республикинче - 10 хут ытла пысăкрах. Вăтамран - 9,4.