Архив - Ноя 2015

Кашни çын хăйĕн пирки калаçма юратать, эпĕ вара паян хамăр общество нуши çинче чарăнса тăрасшăн.

Раççей шайĕнче "Шурă туя" уйăхлăх иртет пулин те, пирĕн Чăваш Енре ун çинчен сас-хура çукпа пĕрех. Республикăра паянхи куна 4 пине яхăн куç курман сусăр çын пурăнать.

Эпĕ вунпĕрмĕш çул Муркашри куç курманнисен обществинче секретарьте тăрăшатăп. Пирĕн ĕçре чи кирли - килекен çынсен нушине ăнланса вăхăтра тата саккунпа килĕшÿллĕн пулăшасси, çавăнпа та ĕçре яланах ăнлану, чăтăмлăх тата ăш кăмăллă пулни кирлĕ.

Пирĕн ĕçĕ çавнашкал, ял-поселок халăхĕн, хамăр вулакансен кулленхи пурнăçĕпе, канăç паман ыйтăвĕсемпе тĕплĕн паллашас, кайран хаçатра çырса кăтартас тесе тĕрлĕ района час-часах тухса çÿретпĕр. Автобуспа е машинăпа пынă май çутçанталăкăн кирек хăш вăхăтĕнче чÿречерен тавралăха сăнаса пыма кăмăллатăп. Çакă инçе çула кĕскетме пулăшать. Юлашки вăхăтра республикăн кăнтăр районĕсене ытларах çÿреме тиврĕ. Федерацин М-7 çул айккипе те, Çĕрпÿрен Канашалла кайнă çĕрте те - автоçула юртан хÿтĕлеме ятарласа лартнă симĕслĕхсем. Кĕркунне йывăçсем çаралса юлнă май халь витĕрех курăнаççĕ.

Ĕмĕтĕм çитрĕ: çак эрнере, Çеçпĕл Мишши çуралнă кун, Пĕтĕм чăвашсен "Асам" I кинофестивалĕ пуçланчĕ. Ăна киноискусствăри пултаруллă çынсене тупса палăртас, чăваш киностудийĕн çитĕнĕвĕсемпе паллаштарас тĕллевпе йĕркелени çинчен иртнĕ номерте çырнăччĕ.

Çывăх çынсен юратăвĕ

Манăн алăра - амăшĕн çырăвĕ. Куççуль витĕр шăрçаланăскерпе хаçат вулаканĕсене те паллаштарас килет. Çук, темле пулсан та алли усăнман хĕрарăмăн.

«Пирĕн алăкран инкек шаккарĕ. Эпир ывăл наркотик авăрне лекнине пĕлтĕмĕр. Çемьере вăрçă-харçă пуçланчĕ, пĕр-пĕрне ăнланманлăх хуçаланчĕ. Ывăл килтен тухса тарма пуçларĕ. Ăна чарма хăтлантăмăр. Анчах вăл киле таврăнмассипе тата хăй çине алă хурассипе хăратрĕ. Упăшкапа уйрăласси патнех çитрĕмĕр. Пирĕн тепĕр ывăл çитĕнет, анчах ун пирки шухăшлама вăхăт та юлмарĕ.

Раççей ШĔМĕ «Комсомольская правда» Издательство çурчĕпе ирттернĕ Пĕтĕм Раççейри «Халăх участковăйĕ» конкурс вĕçленчĕ.

Çак конкурсăн республикăра иртнĕ тапхăрĕнче ку ĕçре çулталăк çеç вăй хуракан Александр Боронов çĕнтернĕ.

Пĕрремĕш хутчен 23-ре качча тухрăм эпĕ. Те çамрăкла темелле... Çулсем пурччĕ-ха, анчах çемье çавăрма вăхăт çитменччĕ-тĕр. Алюшпа иксĕмĕр те кун пек пысăк утăм тума пиçейменччĕ курăнать. Малтанах юратса çÿрерĕмĕр пулсан çемьеленсен хирĕçÿсем, харкашусем пуçланчĕç. Килĕшÿлĕх таçта çухалчĕ. Юлашкинчен пĕр-пĕрне пачах ăнланми пулса çитрĕмĕр. Упăшка каçсерен киле таврăнманни, кăнтăрла та хĕрарăмсем шăнкăравлани ывăнтарсах çитерчĕ, текех чăтаймарăм. Уйрăласси çинчен сăмах пуçарсан Алюш та хирĕçлемерĕ. Пачах тепĕр май - хаваспах килĕшрĕ. Часах Ванюк çураласса та каламарăм ăна.

Пĕчĕк хуранăн пăтти тутлă

Хуçалăх тилхепи çирĕп алăра

Ĕне пăруласса кĕтетпĕр

«Трудовик» агрофирма кантурĕ икĕ хутлă кирпĕч çуртра вырнаçнă. Унччен кĕрлесе ларнă кермен халĕ пушанса юлнă. Пысăкскере хутса ăшăтма тăкаклă, çавăнпа кантур пĕр пÿлĕм кăна йышăнать. «Пĕчĕк йыша çителĕклĕ, - терĕ хуçалăх ертÿçи Сергей Ярчеев. - Кунта ытларах бухгалтер ĕçлет.

Çĕр ĕçченĕн канма вăхăт çук. Уй-хир пушанни алă усса лармаллине пĕлтермест. Çăвĕпех хирте вăй хунă техникăна унтан-кунтан тÿрлетмелле, выльăх-чĕрлĕхе те пăхмалла, çур аки пирки те шухăшлама вăхăт. Пĕр ĕç вĕçленсен тепри кĕтет ăна.