Архив - 6 Сен, 2014

Чăваш Республикин Министрсен Кабинечĕн черетлĕ ларăвĕнче "Чăваш Республикин вырăнти хăй тытăмлăха йĕркелесси çинчен" саккунне улшăнусем кĕртесси çинчен" саккун проектне ырланă. Унпа правительство членĕсемпе ведомствăсен ертÿçисене юстици министрĕ Надежда Прокопьева тĕплĕ паллаштарнă, чылай ыйтăва хуравланă.

Концерт пурнăçне йĕркелекен патшалăх учрежденийĕсене - филармонисене - Совет Союзĕн наци республикисенче, çав шутра Чăваш Енре те, иртнĕ ĕмĕрĕн 30-мĕш çулĕсенче никĕслеме пуçланă.

Шупашкарта пахчаçăсене вĕрентсе хатĕрлекен техникум та пулнă теççĕ. Миçемĕш çулсенче ĕçленĕ вăл? Хăçан хупăннă?

Шупашкарти сад-пахча техникумне 1929 çулхи авăн уйăхĕнче уçнă.

Малтан вăл 1924 çулта ĕçлеме пуçланă сад-пахча шкулĕ пулнă. Практика занятийĕсене тата сăнавсем ирттерме шкулăн 9 гектар çĕр пулнă. Пуçламăш пĕлÿ илнĕ çынсене вĕренме илнĕ. Шкул 1,5-2 çултан кĕçĕн агроном-плодоовощеводсене хатĕрлесе кăларнă.

Иртнĕ ĕмĕр пуçламăшĕнче ВХУТЕМАС ĕçленĕ. Çак учрежденисен кун-çулĕ кăсăклантарать. Унтан вĕренсе тухнисем чăваш ăстисен хушшинче пур-и?