Архив - 8 Окт, 2014

Вăрнар районĕнчи Чăрăшкас Хирлепри культура аталанăвĕн центрĕнче чăваш йăли-йĕркипе паллаштаракан музей кĕтесĕ ĕçлеме пуçланă. Çак кунсенче ăна савăнăçлă лару-тăрура уçнă.

Çак кунсенче Çĕнĕ Шупашкарти шкулсенче вĕренекенсем физкультурăпа спорт, паллă спортсменсем, республикăри палăксем, чăваш халăх йăли-йĕркипе культури çинчен сочиненисем çыраççĕ.

Хулари библиотекăсенче вара юпа уйăхĕн 3-8-мĕшĕсенче Спорт-марафон иртет. Ăна вĕсем Шупашкарта иртекен «Раççей - спорт çĕр-шывĕ» Пĕтĕм тĕнчери форума халалланă.

Çак ятпа Хĕрлĕ Чутай салинче Культура çулталăкне халалласа автофлешмоб иртнĕ.

ЧР ачасемпе çамрăксен библиотеки йĕркеленĕ мероприяти "Аттепе пĕрле вулатпăр" проектпа килĕшÿллĕн пурнăçланать. Ăна ача-пăчана воспитани парас ĕçе ашшĕсене хутшăнтарас, вĕсен вулав культурине ÿстерес тĕллевпе пуçарнă. Программăра - ашшĕ-амăшĕ валли лекцисемпе занятисем, тренингсемпе семинарсем, шăпăрлансем валли вăйăсемпе уявсем иртеççĕ.

Пĕтĕм тĕнчери «Раççей - спорт çĕр-шывĕ» форум вăхăтĕнче Шупашкарпа Çĕнĕ Шупашкара тĕрлĕ регионтан вун-вун хăна çитĕ. Паллă çак пулăмран Чăваш Енре пурăнакансем те юлмаççех.

Юпа уйăхĕн 9-11-мĕшĕсенче Пĕтĕм тĕнчери «Раççей - спорт çĕр-шывĕ» форум вăхăтĕнче Шупашкарта спорт отраслĕн аталанăвĕпе, çитес çулсенче çĕр-шывра иртекен пысăк ăмăртусемпе, пичет продукцийĕсемпе тата Интернет ресурссемпе паллаштаракан куравсемпе экспозицисем ĕçлĕç.

Пĕтĕм тĕнчери «Хальхи спорт. Çĕнĕлĕхсемпе пуласлăх» 4-мĕш курава массăллă спорт аталанăвне, «Ĕçпе хÿтĕлеве хатĕр» комплекса, физкультурăпа спорт отраслĕнчи пурлăхпа техника никĕсне халалланă. Унтах спорт таварĕсем туса кăларакан тата тĕрлĕ пулăшу сĕнекен предприятисен стенчĕсем пулĕç.

Пĕтĕм тĕнчери «Раççей - спорт çĕр-шывĕ» форума халалласа Шупашкарта черлидинг енĕпе ăмăрту иртнĕ.

Юпа уйăхĕн 6-мĕшĕнче ЧР ял хуçалăх, строительство, экономика, транспорт министрĕсем Сергей Павлов, Олег Марков, Владимир Аврелькин, Владимир Филиппов Правительство çуртĕнче Китайри Сычуань провинцийĕн влаçпа бизнес элчисемпе тĕл пулчĕç.

Калаçу Чăваш Енпе Сычуань провинцийĕ хушшинчи суту-илĕве, экономика, гуманитари çыхăнăвне аталантарас тĕллевпе çирĕплетнĕ килĕшÿ картинче иртрĕ. Ăна федерацин Атăлçи округĕнчи тата Китайри Турипе Вăта Янцзы юхан шывĕсен тăрăхĕнчи регионсен ертÿçисен «çавра сĕтел» хушшинчи калаçăвне йĕркеленĕ хыççăн алă пуснă.

Хула хĕрĕсем выльăх-чĕрлĕхе юратаççĕ

Юпа уйăхĕн 12-мĕшĕ - Ял хуçалăх тата тирпейлекен промышленноç ĕçченĕн кунĕ. Ăна «Авангард» тулли мар яваплă обществăн «Çĕрпÿ беконĕ» филиалĕ мĕнле кăтартусемпе кĕтсе илет? Николай Курчаткин генеральнăй директор хуравлать.