Комментировать

8 Окт, 2014

"Вулакан ашшĕсем"

Çак ятпа Хĕрлĕ Чутай салинче Культура çулталăкне халалласа автофлешмоб иртнĕ.

ЧР ачасемпе çамрăксен библиотеки йĕркеленĕ мероприяти "Аттепе пĕрле вулатпăр" проектпа килĕшÿллĕн пурнăçланать. Ăна ача-пăчана воспитани парас ĕçе ашшĕсене хутшăнтарас, вĕсен вулав культурине ÿстерес тĕллевпе пуçарнă. Программăра - ашшĕ-амăшĕ валли лекцисемпе занятисем, тренингсемпе семинарсем, шăпăрлансем валли вăйăсемпе уявсем иртеççĕ.

Вулав уявĕн хăнисене - çыравçăсемпе юрăçсене, библиотекарьсене - районти чи вулакан ашшĕсем, вĕсен ачисем, аслашшĕ-асламăшĕ, культура ĕçченĕсем кĕтсе илнĕ. Хĕрлĕ Чутай вăтам шкулĕн вĕренекенĕсем вĕсене хаваслă юрă-ташăпа савăнтарнă, проектпа паллаштарнă. Шупашкарсем те Чутайсене поэзипе кĕвĕ-çемĕ тĕнчине илсе кĕнĕ. Çавăн пекех ачасемпе çитĕннисем тĕрлĕ конкурспа вăйăра хăйсен хастарлăхне тĕрĕсленĕ.

Е.АНДРЕЕВ.

Автор: 
CAPTCHA на основе изображений
Введите символы, которые показаны на картинке.