Архив - 7 Сен, 2017 - Çамрăксен хаçачĕ

* Яппуна какай шÿрпи килĕшнĕ

* Сад ĕрчетсе Таиландра канмашкăн тупăш тăвать

«Ют çĕршыв çыннине качча тухса урăх патшалăхра пурăнма-и? Ку — ман пирки мар», — çапла пĕрре мар каланă Марианна Вашурова юлташĕсене. Унăн чунне çывăх Шупашкар хулинчен ниçта та каяс килмен. Анчах хĕрĕн пурнăçĕ пач урăхла çаврăнса тухнă.

Вĕсен сад пахчине кĕрсен джунглие лекнĕ пекех туйăнать. Миçе тĕрлĕ ÿсен-тăран, йывăç-курăк, чечек ешермест-ши унта? Инжир, женьшень, иçĕм çырли, груша, клематис, персик... Ĕненетĕр-и: вĕсем Муркаш районĕнчи Хорнуй ялĕнче çитĕнеççĕ. Мĕнле майпа тетĕр-и? Çемье пуçĕ Александр Ванюшкин пахчинче малтан çĕр улмипе купăста çеç ÿстернĕ, халĕ вара унта вун-вун тĕслĕ улма-çырла, ÿсен-тăран çитĕнет.

Хальхинче «Çамрăксен хаçачĕн» тĕпелне пĕр çемьере çитĕннĕ хĕрсене — Екатеринăпа Ольга Трофимовăсене — йыхравларăмăр. Вĕсем пĕртăван аппăшĕпе йăмăкĕ мар пулин те иккĕшĕ çав тери çывăх, пĕр-пĕрне яланах пулăшма хатĕр.

Чăваш Енре обществăпа политика лару-тăрăвне хаклас тĕллевпе тĕпчев ирттересшĕн. Çавна май ЧР Пуçлăхĕн Администрацийĕ уçă конкурс ирттерет. Контракт хакĕ — 1 миллион та 280 пин тенкĕ. Социаллă тĕпчев ирттерекен организацин документсене авăн уйăхĕн 21-мĕшĕччен хатĕрлесе памалла.

ЧР Çут çанталăк министерстви пĕлтернĕ тăрăх, Чăваш Енри вăрмансенче саккуна пăсса вĕлле хурчĕсене вырнаçтарнă 20 тĕслĕх тупса палăртнă. Çавна май ку тĕлĕшпе административлă ĕçсем пуçарнă.

РФ Вăрман кодексĕн 38-мĕш статйипе килĕшÿллĕн, вăрманта утар тытма ирĕк пур, анчах çĕр лаптăкне тара илме е укçасăр усă курма ыйтса çырмалла. Кирлĕ документсемпе ЧР Çут çанталăк министерствине çитмелле. Унсăрăн вăрманта вĕлле хÿрчĕсем тытнăшăн штраф тÿлеме тивĕ.

Нумаях пулмасть шашкăлла выляс енĕпе тĕнче чемпионачĕ вĕçленнĕ. Вăл пиллĕкмĕш çул ĕнтĕ Болгарири Кранево салинчи «Аквалайф» спорткомплексра иртнĕ. 14 çĕршывран çитнĕ 200 ытла шашист чемпион ятне çĕнсе илессишĕн хастар тупăшнă.

Çак ята Шупашкарти ятарлă пушарпа çăлав чаçĕн аслă лейтенанчĕ Евгений Долгов тивĕçнĕ. Вăл Пĕтĕм Раççейри «Созвездие мужества» фестивале хутшăнса республика тапхăрĕнче палăрнă.