Архив - Апр 2014 - Çамрăксен хаçачĕ

Иртнĕ эрне кун, пуш уйăхĕн 28-мĕшĕнче, «Çамрăксен хаçачĕн» чаплă уявĕ Вăрнар районĕнчи Кÿстÿмĕрти аталану центрĕнче пулчĕ. 8200 яхăн çемьене пырса тăракан кăларăмăн 6000-мĕш номерĕ кун çути курнине халалланă каçа халăх йышлăн пухăнчĕ.

Театра çÿреме юратакансем, сцена ăстисем çĕнĕ постановкăсем кăтартнине сăнакансем «Чĕнтĕрлĕ чаршав» конкурса çулсерен кĕтеççĕ. Ăна иртнĕ эрнере, Пĕтĕм тĕнчери театр кунĕнче, Чăваш патшалăх пукане театрĕнче пĕтĕмлетрĕç. Кăçалхипе 15-мĕш хут йĕркеленнĕскерĕн пĕчĕк юбилейĕ Культура çулталăкĕнче иртрĕ.

Иртнĕ эрнере Шупашкарти 10-мĕш вăтам шкулта республикăри хуласемпе районсенчи чăваш чĕлхипе литературин вĕрентекенĕсем семинара пухăнчĕç.

Чылай хулапа районта кăçалхи хĕллехи сезона пуш уйăхĕн вĕçĕнче кăна хупрĕç. Республикăн кăнтăр енчи районсенчи ял хуçалăх предприятийĕсемпе акционерсен пĕрлешĕвĕсен уй-хирте çурхи хĕрÿ ĕçсем пуçланнă май вĕсене ертсе пыракан хăш-пĕр пуçлăх физкультурăпа спорт мероприятийĕсене вăхăтлăха хутшăнма пăрахрĕ. Республикăри федерацисемпе спорт шкулĕсенче, çавăн пекех физкультурăпа çыхăннă уйрăм коллективсенче Олимп сезонне пĕтĕмлетсе анлă ларусемпе ытти мероприяти йĕркелеме палăртаççĕ.

Елчĕк районĕнчи Аслă Елчĕкре пурăнакан Черновсем пултаруллă ачасем çитĕнтернĕ. Икĕ ывăлĕ кăçал ЧР Пуçлăхĕн стипендине илсе тăрать. Вĕсенчен пĕринпе çывăхрах паллашрăмăр.

Малалла вулас...

Культура çулталăкĕнчи пысăк мероприятисенчен пĕри - Раççей халăх артистки Надежда Бабкина пуçарса йĕркелесе пыракан «Раççей юррисем» фестиваль-марафон. Вăл çĕр-шывăн тĕрлĕ регионĕнче иртет, хыçа юлнă эрнере культурăн анлă мероприятийĕ пирĕн республикăра кĕрлерĕ.

Чун киленĕçĕ йăлăхтармасть. Çĕмĕрле районĕнчи Юманай ялĕнче пурăнакан Римма Сергеева 30 çула яхăн тĕрлет. Вăл çак ĕçе качча кайичченех хăнăхнă. Çемье çавăрсан вара тĕрĕпе пушшех кăсăкланнă. Ара, хунямăшĕ те тĕрĕ ăсти пулнă-çке.

Ака уйăхĕн 1-мĕшĕнче Раççейре çуркуннехи призыв пуçланчĕ. Генштаб планĕпе килĕшÿллĕн - кăçал çĕр-шыв умĕнчи тивĕçе 154 пин ытла çамрăк пурнăçлĕ.