Комментировать

Чылай хулапа районта кăçалхи хĕллехи сезона пуш уйăхĕн вĕçĕнче кăна хупрĕç. Республикăн кăнтăр енчи районсенчи ял хуçалăх предприятийĕсемпе акционерсен пĕрлешĕвĕсен уй-хирте çурхи хĕрÿ ĕçсем пуçланнă май вĕсене ертсе пыракан хăш-пĕр пуçлăх физкультурăпа спорт мероприятийĕсене вăхăтлăха хутшăнма пăрахрĕ. Республикăри федерацисемпе спорт шкулĕсенче, çавăн пекех физкультурăпа çыхăннă уйрăм коллективсенче Олимп сезонне пĕтĕмлетсе анлă ларусемпе ытти мероприяти йĕркелеме палăртаççĕ. ЧР Физкультурăпа спорт министерстви те сезона ака уйăхĕн 11-мĕшĕнче спортăн хĕллехи енĕсен центрĕнче пĕтĕмлетме палăртнă. Унта кăçалхи пысăк ăмăртусенче палăрнă çамрăк йĕлтĕрçĕсене чыслĕç.

Хĕрсенчен, пуринчен ытларах, Красноармейски районĕнче çуралса ÿснĕ, халĕ Шупашкарти 59-мĕш вăтам шкулта вĕренекен Кристина Кусковăна мухтас килет.

Малалла вулас...