Архив - 14 Мар, 2014 - Çамрăксен хаçачĕ

Пирĕн республикăра ют ачасене хăйсен хÿттине илнĕ çемье сахал мар. Пĕрисем икĕ е ытларах шăпăрлана тăван ачи пек ÿстереççĕ. Хăшĕ-пĕрин ырă ĕç тунă çынсене сивлеме чĕлхи çаврăнать. Вĕсен шухăшĕпе - ачасене укçа-тенкĕшĕн илнĕ имĕш. Анчах Çĕр çинче утакан-чупакан пĕчĕк чуна нухратпа епле виçейĕн?

Иртнĕ эрнере Сочире Паралимп вăййисем уçăлчĕç. Çак уява курма «Фишт» стадиона халăх йышлăн пухăннă. Йĕркелÿ комитечĕ пĕлтернĕ тăрăх - Олимпиадăринчен 3 пин билет ытларах сутăннă.

Раççей Президенчĕн сумлă премине пĕлтĕр Чăваш патшалăх ял хуçалăх академийĕнче вĕренекен 3 çамрăк тивĕçнĕ. Пурте вĕсем спортпа туслă. Лауреатсенчен пĕри - инженери факультетĕнче 4-мĕш çул ăс пухакан Дмитрий Козлов. Яш тимĕр вăййине юратать. Кире пуканĕ йăтас енĕпе ăсталăхне туптать.

Чăваш наци телекуравĕ ĕçлеме пуçланăранпа икĕ çул иртрĕ. Унăн эфирĕнче тĕрлĕ кăларăм пур. Куракансем юратнисенчен пĕри - «Яш чух, çамрăк чух!» Пĕлтĕрхи авăнăн 29-мĕшĕнче тухма тытăннăскерте çамрăксен тĕрлĕ ыйтăвне хускатаççĕ.

«Содружество» волонтер центрĕ Шупашкарта 2003 çулта йĕркеленнĕ. Паянхи куна вăл 10 пин ытла çынна волонтерсен лагерĕсене çитсе килме пулăшнă. Тĕрĕссипе, чăваш çамрăкĕсен урăх культурăпа, чикĕ леш енче пурăнакансемпе паллашма май сахал. «Содружество» шăпах çак çитменлĕхе пĕтерме тăрăшать.

Республикăри хуласенче, район центрĕсенче ача-пăча искусство шкулĕсем пур. Вĕсенче вăй хуракан педагогсем çул çитменнисене пултарулăха тĕрлĕ енлĕ аталантарма пулăшаççĕ. Çавнашкал учреждени Çĕнĕ Шупашкарта та пур. Унта çÿрекенсем те тĕрлĕ конкурс-мероприятие хутшăнаççĕ.

унран пĕрре те кая мар

Канаш тăрăхĕнче Чăваш Республикин Пуçлăхĕн стипендине тивĕçнисен йышĕнче Екатерина Гордеева та пур. Вăл Шупашкарти медицина колледжĕн Канашри филиалĕнче фельдшера вĕренет.

Малалла вулас

Муркаш районĕнчи Сыпай тĕп шкулне Яшковсен çемйинчен виçĕ ача çÿрет. Çемьери чи аслă ывăлĕ кăçал Ярапайкасси пĕлÿ çуртне пĕтерсе пурнăçăн анлă çулĕ çине тухĕ. Çĕнĕ вĕренÿ çулĕнче чи кĕçĕнни Иван та çурăм хыçне портфель çакĕ. Халĕ вăл Сыпайри садике çÿрет.

Ăшă кунсем тинех çитрĕç. Çу кунĕсене тата хăвăртрах çывхартас килет-и? Эппин, çу сăнне кăтартакан панно хатĕрлер-и? Вăл пÿрт илемне кăтартĕ, ăшăпа савăнăç парнелĕ. Ачасем, пурнăçланă ĕçе кирек кама парнелесен те вырăнлă пулĕ.