Комментировать

Раççей Президенчĕн сумлă премине пĕлтĕр Чăваш патшалăх ял хуçалăх академийĕнче вĕренекен 3 çамрăк тивĕçнĕ. Пурте вĕсем спортпа туслă. Лауреатсенчен пĕри - инженери факультетĕнче 4-мĕш çул ăс пухакан Дмитрий Козлов. Яш тимĕр вăййине юратать. Кире пуканĕ йăтас енĕпе ăсталăхне туптать. Акă нумаях пулмасть вăл Улатăрти физкультурăпа сывлăх керменĕнче иртнĕ Сăр тăрăхĕнчи турнирăн ылтăн медальне тивĕçнĕ. Дмитрий «Хыпар» хаçат парнисене çĕнсе илессишĕн çуллен йĕркеленекен Пĕтĕм Раççейри ăмăртура та пĕрре мар мала тухнă. Унăн пухмачĕнче Дипломпа Тав хучĕ, кубокпа медаль пайтах. Пултаруллă çамрăкпа тĕл пулса калаçма май килчĕ.

Малалла вулас