Архив - 15 Июн, 2017 - Хресчен сасси

* Куç тулли илем

* Сĕт мĕн хак?

«Хамăн ĕçе питĕ килĕштеретĕп, — тет Елчĕк районĕнчи Çирĕклĕ Шăхаль ялĕнче пурăнакан Галина Васильева. — Ачаранах выльăх-чĕрлĕхе юратса çитĕннĕ. Валя аппа патне фермăна чупаттăм, 1-мĕш класра вĕреннĕ чухнех ĕне сума хăнăхрăм, пĕчĕк пăрусене пăхса савăнаттăм. Каярахпа ĕмĕтĕме пурнăçларăм».

Чыс та, хисеп те ял-йышран

«Тунсăхлама, кулянма, хăш-пĕри пек çурт умĕнче хĕвел çаврăнăш вăрри шĕкĕлчесе ларма вăхăт çук пирĕн», – тет Канаш районĕнчи Шăхасан салинче пурăнакан Роза Пантелеймоновна Рябчикова.

Утă уйăхĕн 9-мĕшĕ тĕлне республикăра 1 л сĕте вăтамран 15-16 тенкĕпе йышăннă. Чи пысăк хак — Шупашкар районĕнче. Ку тăрăхри В. Алексан¬дров пайтаçă ял çыннине 1 л сĕтшĕн 19 тенкĕ панă. В. Петров вара — 18 тенкĕ. Пăрачкав районĕнче чĕр тавара халăхран 16-17 тенкĕпе /1 л\ туяннă. Комсомольски тăрăхĕнчи «Урожай» колхоз та çак хакпах илнĕ. Çав хушăрах ыттисен вăл темшĕн 15-16 тенкĕрен иртмен. Улатăр районĕнчи Р. Янтыков фермер вара 18 тенкĕпе йышăннă. Çĕрпÿ тăрăхĕнче хушма хуçалăхсенчен 10 пайтаçă сĕт пуçтарать темелле. Анчах темшĕн пурин те пĕр хак — 15 тенкĕ.

Красноармейски районĕнчи Кĕçĕн Шетмĕри икĕ хутлă çĕнĕ çурт илемлĕн курăнса ларать. Кил хуçи Анатолий Игнатьев ăна кирпĕчрен мар, йывăçран хăпартнă. Пĕренесене аякранах турттарма тивни, хака ларни те хăратман. «Йывăç çуртра сывлама та çăмăл, хăтлă», — тет вăл. Капмарскерте тăватă ачана та ирĕклĕ. Газ, шыв… — хулари хăтлăх йăлтах çитнĕ кунта. Хуралтăсем вара — кирпĕчрен. Выльăх-чĕрлĕх йышлă усранă май унсăр май çук.