Архив - 7 Авг, 2014 - Хыпар

Республика Пуçлăхĕ Михаил Игнатьев Канаш хулинче ĕçлĕ çул çÿревре пулни çинчен «Хыпар» хаçатăн иртнĕ номерĕнче пĕлтернĕччĕ. Михаил Васильевич кунта киличчен кăна Канашсем хулан йăлана кĕнĕ кунне ирттернĕ. Вăл чукун çул ĕçченĕсен уявĕпе тĕл килнинчен тĕлĕнме кирлĕ мар.

Чăваш наци музейĕнче Пĕрремĕш тĕнче вăрçи пуçланнăранпа 100 çул çитнине халалланă мероприятисем малалла пыраççĕ. Учительсен пĕлĕвне ÿстерекен институтра «Чăваш Ен медикĕсем - Пĕрремĕш тĕнче вăрçин çулĕсенче» экспозици уçăлнă, ăна ЧР Патшалăх, Раççей патшалăх çарпа истори архивĕсен, Чăваш наци музейĕн, Л.Н.Толстой ячĕллĕ Патшалăх музейĕн ăслăлăх сотрудникĕн Н.Жиркевич-Подлесских врачăн тата медицина историкĕн материалĕсене тĕпе хурса йĕркеленĕ.

Чăваш Енри 17 çулти Дмитрий Ефимов триатлониста тата унăн тренерне, спортăн çак тĕсĕпе Чăваш Республикин пĕрлештернĕ командин тĕп тренерне Владислав Дмитриева Раççейри Олимп командин йышне кĕртнĕ. Дмитрий Çамрăксен çуллахи II Олимп вăййисене хутшăнĕ.

Патăрьел районĕнчи Хурама Тăварсем çак кунсенче «Савнă ялăм - пĕчĕкçĕ çĕр-шывăм» уяв ирттернĕ. Ăна Культура çулталăкне халалланă.

Ĕнер Чăваш Ен Пуçлăхĕ Михаил Игнатьев Украинăран тарса килнĕ çынсем хÿтлĕх тупнă пунктсенче - Шупашкарти "Контур" АУОра тата "Чăваш Ен-курорт" санаторире - пулса курчĕ, вĕсем еплерех условисенче пурăннипе паллашрĕ, мĕнле йывăрлăхсем пуррине ыйтса пĕлчĕ.

Ача пуласлăхĕ çемьери воспитанирен нумай килет. Пелепей тăрăхĕнчи Çĕнĕ Сименкке ялĕнче пурăнакан Владимир Ивановичпа Ирида Георгиевна çĕр-шыва юрăхлă ывăл-хĕр çитĕнтернĕ тесе çирĕплетсех калама пултаратăп.

1990 çулсен варринче тутар сăвăçи Ренат Харис Шупашкарта хăйĕн пултарулăх каçне ирттернĕччĕ. Çавăн чухне поэзи хăвачĕ пуçа кайнăччĕ пулас, туслăх уявĕ çинчен çырнă репортажра ман айăппа пысăк йăнăш тухса кайрĕ: эпĕ Ренат Магсумовича тутар халăх поэчĕ тесе палăртсах каларăм. Анчах çак тимсĕрлĕхшĕн мана никам та ятламарĕ.

Канаш хулинчи "Нон-стоп" дуэт темиçе кун каялла Китайран таврăнчĕ. Çамрăк юрăçсем Пекинра иртнĕ халăхсен хушшинчи ачасен "Кăвакал чĕпписен ташши" фестивале хутшăннă. Унта тĕнчери 31 çĕр-шывран çамрăк талантсем пухăннă.

Çĕртме уйăхĕн пуçламăшĕнче химиксен хулин сучĕ «Çĕнĕ Шупашкарти строительство материалĕсен завочĕ» АУО ертÿçисем тĕлĕшпе пуçарнă уголовлă ĕçпе приговор палăртнăччĕ. Иртнĕ ытлари кун ЧР Аслă сучĕн уголовлă ĕçсене тишкерекен суд коллегийĕ 1-мĕш инстанци сучĕн çак айăплавне тишкерсе улăштармасăр хăварнă.

Айхи фончĕ тата Шупашкарти "ГолосА" поэзи фестивалĕн ертÿçисем "А" сасă кунĕ" акцие хутшăнма йыхравлаççĕ. Çурлан 21-мĕшĕнче, Чăваш халăх поэчĕ Геннадий Айхи çуралнăранпа 80 çул çитнĕ кун, тĕнчери тĕрлĕ континентра унăн чи кĕске "Спокойствие гласного" сăввине /"а" сас палли кăна унта/ вулĕç.