Архив - 9 Дек, 2014 - Хыпар

«Хыпар» хаçат парнисемшĕн - 31-мĕш хут

Раштавăн 6-7-мĕшĕсенче "Хыпар" хаçат тимĕр вăййипе туслисене Пĕтĕм Раççейри XXXI турнира йыхравларĕ. Ку хутĕнче ăмăрту Йĕпреçри "Патвар" физкультурăпа спорт керменĕнче иртрĕ.

Патăрьел районĕнчи Кивĕ Ахпÿртри шкулта "Марина Карягина вулавĕсем" конкурс иртнĕ.

Ачасен прависене хÿтĕлессипе ĕçлекен Раççей Федерацийĕн Президенчĕ çумĕнчи Уполномоченнăй Павел Астахов пуçарнипе пирĕн çĕршывра "Елка в Новороссию" Çĕнĕ çул акцийĕ пуçланнă.

Çерем уçма тытăннăранпа 60 çул çитнине халалласа декабрĕн 3-мĕшĕнче Чăваш наци музейĕнче "Помнит целина ваши имена" çĕнĕ курав ĕçлеме тытăнчĕ.

Выставкăна музей директорĕ И.П.Меньшикова уçрĕ, хальхи тата çĕнĕ истори секторĕн ертÿçи М.Ю.Иванова документсемпе сăнÿкерчĕксене тата çерем уçнă çĕрте паттăрлăх кăтартнă ветерансен асаилĕвĕсене еплерех пухни çинчен каласа пачĕ.

Чăваш Енре кăçалхи 11 уйăхра мĕнпур шайри бюджетсене налук органĕсем администрацилекен тÿлевсене 31,7 млрд тенкĕ пухнă. Пĕлтĕрхи çак тапхăртипе танлаштарсан - 102,2%.

Федерацин налук службин республикăри управленийĕнчен пĕлтернĕ тăрăх - асăннă виçере хушма хакран /30,6%/, уйрăм çынсен тупăшĕнчен /29,2%/, усламран /15,1%/, пурлăхшăн /12,5%/ илекен налуксен тÿпи курăмлă. Акцизсен пайĕ пысăк тееймĕн - 5,5%.

Декабрĕн 8-мĕшĕнче ЧР Пуçлăхĕ Михаил Игнатьев ЧР Пуçлăхĕн Администрацийĕн Ертÿçин тивĕçĕсене пурнăçлакан Юрий Васильевпа тĕлпулнă. Михаил Васильевич Юрий Васильевăн ĕç-хĕлне пысăк хак панă, ăна ЧР Пуçлăхĕн Администрацийĕн Ертÿçине уйăрса лартасси çинчен калакан указа алă пуснă.

Декабрĕн 8-мĕшĕнче Чăваш Ен Пуçлăхĕ Михаил Игнатьев Министрсен Кабинечĕн членĕсемпе, федераци ведомствисен территори органĕсен тата муниципалитетсен ертÿçисемпе канашлу ирттернĕ.

Çитĕнекен ăрăва Тăван çĕршыва юратма вĕрентес, ăна историн тата культурăн пуян эткерлĕхĕпе интереслентерме хавхалантарас тĕллевпе Михаил Игнатьев Чăваш Ен историйĕпе вĕрентÿпе меслетлĕх комплексĕн концепцине хатĕрлеме ЧР Пуçлăхĕн грантне йĕркелесси çинчен калакан Указа алă пуснине пĕлтернĕ.

Ĕнер Шупашкарăн çурçĕр-хĕвеланăç районĕнче, Крылов академик урамĕнче, çĕнĕ ача сачĕ уçăлнă. Унăн ячĕ те хăйнеевĕрлĕ - «Асамлă хула».