Архив - 2017

декабрь 25th

25 Дек, 2017

Симĕсси килĕшмесен — хĕрли

16-ра кăна пулин те Тăвай районĕн çул çитмен çамрăкне кукăр алăллă пулнишĕн пĕрре кăна мар айăпланă.

Тăвай район прокуратури пĕлтернĕ тăрăх, кăçалхи утă уйăхĕнче 16-ри çамрăк 85-ри арçынна çаратас ĕçе йĕркеленĕ. Мучи пахчара ĕçленĕ вăхăтра çул çитмен икĕ йĕкĕт /16 тата 17 çулсенче/ унăн çуртне кĕнĕ те укçа шырама пуçланă. Çак вăхăтра 20-ри каччă урамра тăнă. Унăн тивĕçĕ мучи килне кĕме хатĕрленсен пÿртрисене систермелле пулнă.

25 Дек, 2017

Хăш салачĕ тутлăрах-ши?

Купăстаран миçе тĕрлĕ салат хатĕрлеме май пуррине палăртмашкăн ятарласах Куславкка районĕнчи Карача Василий Семеновăн хресчен /фермер/ хуçалăхне çул тытрăмăр. Унсăр пуçне йÿçĕтнĕ пан улми, тăварланă хăяр, помидор, ыхра тутанса пăхас килчĕ пирĕн. «Энĕш» хăяр салатне уйрăммăн палăртса хăварас килет. Ахальтен мар хресчен хуçалăхĕпе пĕр ятлă вăл.

25 Дек, 2017

Çирĕксĕр Çирĕклĕ-и, хурамасăр Хурамал-и?

Тăван кĕтесĕм, çуралнă вырăнăм манăн — Трак енри Çирĕклĕ ялĕ. Урăх çĕрте тĕплентĕм пулин те вăл яланах асăмра, ячĕ те чĕрери аса илÿ хĕлĕхĕсене карăнтарать. Чунра йывăр самантсенче атте-анне килне çитме, ялăн йăмраллă урамĕсемпе утса иртме, çыннисемпе курса калаçма кăмăллатăп. Ырă, çăмăл пулса каять вара чунра. Çу кунĕсенчи шăрăхра йăмрасен сулхăнĕ канлĕх парнелетчĕ, хĕллехи шартлама сивĕсенче вĕсен хÿттинче ăшăрах пек туйăнатчĕ.

25 Дек, 2017

Хоккей — хăюллисен вăййи

Раштавăн 22-мĕшĕнче Раççейре Хоккей кунне паллă тăваççĕ. Пирĕн çĕршывра 1946 çулта шăпах çак кун «çуралнă»-мĕн спортăн ку тĕсĕ. Вăрçă хыççăн пысăк хуласенче — Мускавра, Архангельскра, Ленинградра, Ригăра, Каунасра — СССР пĕрремĕш чемпионачĕ иртнĕ. Çакă шайбăллă хоккейăн хăйне евĕр «премьери» пулса тăнă.

декабрь 22nd

22 Дек, 2017

Кану кунĕнче те йышăнаççĕ

Республикăри онкологин клиника диспансерĕ пĕлтернĕ тăрăх, сиплев учрежденийĕн поликлиники Çĕнĕ çул уявĕн тата канăвĕн кунĕсенче те ĕçлет.

Тухтăрсем пациентсене кăçалхи раштав уйăхĕн 31-мĕшĕнче, 2018 çулхи кăрлачăн 2-6-мĕшĕсенче шăматкунхи ĕç графикĕпе 8-13 сехетсенче йышăнаççĕ.

2017 çулхи раштав уйăхĕн — 31, 2018 çулхи кăрлач уйăхĕн 1 тата 7-8-мĕшĕсем — кану кунĕсем.

 

22 Дек, 2017

Пенсионерсемшĕн ырă хыпар

2018 çулхи кăрлачăн 1-мĕшĕнчен ĕçлеме пăрахнă хыççăнхи уйăхран пенсие индексацие шута илсе пама пуçлаççĕ тенине илтрĕм. Саккунри çĕнĕлĕхсем пирки тĕплĕнрех каласа кăтартăр-ха, тархасшăн.

Алевтина МИХАЙЛОВА.

Çĕрпÿ районĕ.

22 Дек, 2017

Çынна шан, анчах тĕрĕсле

Çывăх юлташран хваттер туянасшăн. Вăл мана мĕн пур документа кăтартрĕ. Анчах мăшăр ЕГРН выпискине илме хи¬стет. Манăн шухăшпа — çак хут ытлашши. Калăр-ха, тархасшăн, ку документ хăçан кирлĕ?

Андрей ГАВРИЛОВ.

Шупашкар районĕ.

Марина ИВАНОВА, Федерацин патшалăх регистрацийĕн, кадастр тата картографи службин Чăваш Республикинчи управленийĕн ертÿçин пулăшуçи:

22 Дек, 2017

Шпионсемпе ентешĕмĕрсем те кĕрешнĕ

Раштавăн 20-мĕшĕ — Раççей Федерацийĕн хăрушсăрлăх органĕсен ĕçченĕсен кунĕ. «Хыпар» ыйтăвĕсене çак тытăмра 27 çул хĕсметре тăнă саппасри полковник, Правительствăн тата ведомствăн 12 медалĕпе кăкăр çине çакмалли «Контрразведкăри службăшăн» паллăна тивĕçнĕ Валерий Павлович Кошкин хуравлама килĕшрĕ.

Власовецсене — «тип мунча»!

Страницы