Архив - 2016

Вĕсем те хулара тĕпленме е шапаша çÿреме пултарнă. Анчах çамрăк фермерсене ку илĕртмен, вĕсем выльăх-чĕрлĕх ĕрчетме, çĕр çинче ĕçлесе пурăнма тĕв тунă.

Федоровсен качакисем

2016 çула кашниех çĕнĕ ĕмĕт-тĕллевпе пуçларĕ ахăртнех. Çĕнĕ çулхи вăраха тăсăлнă каникул хыççăн пурте ĕçе кÿлĕнеççĕ. Сутуçă - лавккана, тухтăр - сыватмăша, вĕрентекен - шкула, водитель руль умне васкать. Саккуна улшăну кĕртес ĕç те «тĕлĕрмест», кăçал та тĕрлĕ çĕнĕлĕх вăя кĕчĕ. Вĕсем çĕр ĕçченĕнчен пуçласа пысăк должноçра вăй хуракан таранах пырса тивеççĕ.

Камсем вĕсем - журналистсем? Тăваттăмĕш влаç, пур çĕре те сăмса чикекенсем, çĕр çине метеорит персе ансан та путвала мар, ун çинчен каласа кăтартма чупакансем... Журналист - пурнăç йĕрки, диагноз... Раççей тата Чăваш пичечĕн кунĕсем ячĕпе иртнĕ уявра пирĕн ĕçе çамрăк ăру çакăн пек хак пачĕ.

Çапла шухăшлать вунсакăр çулти Юля Горшкова. «Манăн чун вара яланах юрлать. Шăппăн-шăппăн, эпĕ илтмелле çеç. Чуна туйăм килсен пуçра сăнарлă сăвă йĕркисем çуралаççĕ. Эпĕ юратнă аннепе, хаклă Елчĕк енĕмпе, тăван шкулпа, ачаш чунлă шăллăмпа, çепĕç юратупа, чăн-чăн туслăхпа, ытарайми тăвансемпе çыхăннă туйăмсене шурă хут çине шăрçалатăп. Анчах туйăм яланах килмест.

Халăхра: «Общежитире пурăнса курман студент - студент мар», - теççĕ. Ара, шăпах унта чи интереслĕ вăхăтсенчен пĕри иртет-çке. Тăванĕсем патĕнче кун кунлакан студент общежитири пурнăç мĕн тути каланине пĕлейĕ-и вара? Аслă шкулта вĕреннĕ вăхăтра çемье çавăракан студентсем те пур.

Çĕнĕ çул хыççăнхи кану кунĕсем вĕçленсен студентсен хĕрÿ тапхăр пуçланать. «Сесси» сăмах чылайăшне хăратать. Уйрăмах - 1-мĕш курсра ăс пухакансене. Пĕрисем Совет тапхăрĕнчи «Операция «Ы» и другие приключения Шурика» кинофильмри студентсем евĕр тĕплĕн хатĕрленеççĕ. Паллах, кĕнеке вулани аван.

Чăваш кинематографисчĕсен пĕрлешĕвĕн клубĕнче Михаил Луков 2013 çулта ÿкернĕ «Нарспи» илемлĕ фильма курнă хыççăн Константин Ивановăн поэми каллех калаçтармалли сăлтава çаврăнчĕ. Ку фильм хальччен проката тухман, ăна никамах та курман темелле. Кинокартинăна Комсомольски районĕнчи Анат Тимĕрчкассинче ÿкернĕ, рольсене ахаль çынсем калăпланă. Çавăн пекех Красноармейски районĕнчи - «Трак ен», Патăрьел тăрăхĕнчи - «Хĕлхем», Комсомольски районĕнчи «Шуçăм» фольклор ушкăнĕсем хутшăннă. Михаил Луков композитор кинорежиссер тивĕçне пĕрремĕш хут пурнăçланă. Операторĕ - унăн хĕрĕ Лариса.