Архив - 16 Ноя, 2017 - Тантăш

* Пĕтĕм Раççейри слетра хутшăнаççĕ

* Атăла ĕлĕк-авал Ра тесе чĕннĕ

Çĕрпÿри 1-мĕш вăтам шкул команди пĕтĕм Раççейри «Орленок» ача-пăча центрĕнче çулçÿрев инспектрĕсен слетĕнче хутшăнать. Юпа уйăхĕнче иртнĕ тупăшура малти вырăна тухнăран çак команда пĕтĕм Раççей шайĕнчи ăмăртăва лекме тивĕçнĕ. Слет чÿк уйăхĕн 8-28-мĕшĕсенче «Звездный» лагерьте иртет. Командăри «çамрăк инспекторсем»: Богдан Краснов, Владимир Кузьмин, Арина Никифорова тата Анна Шахраманян.

Чÿк уйăхĕн 9-мĕшĕнче Республикăри ачасемпе çамрăксен библиотекинче Иван Дубановăн «Чăваш Енри шыв-шур» альбом кĕнекин презентацийĕ иртрĕ. Тĕл пулăва Шупашкарти 49-мĕш шкултан 6-мĕш класс вĕренекенĕсем килчĕç.

Иван Дубановăн «Чăваш Енри шыв- шур» альбом кĕнеки 2016 çулта пичетленсе тухнă, Пĕтĕм Раççейри «Манăн пĕчĕк тăван çĕршыв» конкурсра «Тăван çĕршыв сăнарĕ» номинацире çĕнтернĕ. Унтан Испанири курава та хутшăннă. Кĕнекере Чăваш Енри паллă юхан шывсене, кÿлĕсене, çăл куçсене пĕтĕмпех кăтартса панă.

Шупашкарти 4-мĕш гимназире 8-мĕш класра вĕренекен çамрăк арахнолог тата герпетолог Никита Мардарьев нумаях пулмасть Чăваш патшалăх ял хуçалăх академийĕн студенчĕсемпе тĕл пулнă. Мĕн çинчен калаçнă-ши вĕсем унта?

Çулсерен тĕнчери ача-пăча тата çамрăксен «ARTIS-2017» премийĕ иртет. Кăçал пултаруллă çамрăксене раштав уйăхĕн 3-6-мĕшсенче Нева çинчи хула пуçтарĕ.

Тупăшу çăмăл пулмĕ

Кĕвĕ вăл — чун чĕлхи те, унти пурнăçа сасăпа палăртни те, туйăмпа кăмăл чикки те. Этемлĕхĕн пурнăçĕ юрă-кĕвĕсĕр епле кичем пулĕччĕ — сăмахпа та палăртма май çук. Юрă вăй хушать, савăнăç кÿрет çеç мар, халăхсем хушшинчи туслăха çирĕплетет, ламран-лама куçса пыракан йăла-йĕрке пуянлăхне упрать.