Архив - 11 Дек, 2019 - Хресчен сасси

* Çăкăр та, тумтир те çукчĕ

* Çамрăксем çуралнă тăрăха таврăнас шанăç пур

Республикăри Хресченсен союзĕн ертÿçи, «Ленинская искра» колхоз председателĕ пулнă Аркадий Айдак — «Хресчен сасси» хаçата йĕркелекенĕсенчен пĕри. Хальхинче вулакана Аркадий Павлович ĕçлесе пурăннă тăрăхпа паллаштарас килет. Етĕрне районĕнчи Мăн Шемертен ял администрацийĕ Тури Ачакра вырнаçнă. Икĕ хутлă çурт умĕнче Аркадий Айдакăн палăкĕ пур. Ял тăрăхĕн пуçлăхĕ Альбина Егорова пире хапăлласа кĕтсе илчĕ.

Халăх пулăшать

Çул хыççăн çул, кун хыççăн кун хыçа юлать. Сисместĕн те ватлăх сукмакĕ çине пусатăн. Ачусем вара çунат хушса тĕрлĕ çĕре вĕçсе саланнă. Чылай чухне вĕсен сассисене илтсе хĕпĕртетĕн, сăнĕсене куç умне кăларатăн. Эх, атте-анне чĕри!

Элĕк районĕн тĕп больницинче тухтăр патне кĕме черетре ларатпăр. Тĕрлĕ хыпар-хăнар сÿтсе яврăмăр. Çавăн пекех вăрçă ачисен кун-çулне те тишкертĕмĕр.
«Çитес çул Аслă Çĕнтерÿ пулнăранпа 75 çул çитет. Вăрçă ачисене тыл ĕçченĕсемпе танлаштарас тĕлĕшпе мĕнле те пулсан йышăну тăвĕç-ши?» — ыйтрĕ пĕр ватă. Ыттисем те вăрçă çулĕсенче тÿснĕ йывăрлăха патшалăхăн шута илмелли çинчен каларĕç. Тĕрĕссипе, ку ыйтăва тахçанах хускатнă. Анчах пĕр сăлтав — укçа çук. Вăрçă ачисем вара тÿсĕмлĕ, çаплипех кĕтеççĕ.