Архив - 30 Мая, 2018 - Хресчен сасси

    * Тирпей–илем - хамăршăн

    * Манăçми суран

    * Куç илеме юратать

Комсомольски районĕнчи «Урожай» колхоза вăтăр çул ытла ĕнтĕ Алексей Ершов ертсе пырать. Çĕршыври пăтрашуллă тапхăрта, рынок экономикинче хуçалăх çухалса кайманни, ура çинче çирĕп тăни пуçаруллă ертÿçĕпе те çыхăннă. «Хуçине кура — хуçалăхĕ», — тесе ахальтен каламан.

Пĕчĕк ялăн хăйĕн сăн-сăпачĕ: урамра шăп, иртен-çÿрен курăнмасть, хуçасăр çуртсем вара «кăвак куçĕсене» уçмасăр лараççĕ. Геннадий Айхи сăвăç калашле вĕсене шур илнĕ тейĕн. Тепри вара «вăй-халĕ» пĕтнĕрен сулăнсах кайнă, вĕсем патне килсе çÿрекен, пăта çапакан çук пулас.

Пĕртен-пĕр ача

Павел Кузьмин Тури Панклире 1924 çулта çуралнă. Çамрăклăхĕ Тăван çĕршывăн Аслă вăрçин тапхăрĕпе пĕр килнĕ.
Пиччĕшĕ Петĕр 1942 çулхи авăн уйăхĕнче çапăçу хирĕнче пуç хуни çинчен пĕлмесĕрех уйăх маларах фронта тухса кайнă, артиллеристсен шкулĕнче вĕренсе кĕçĕн сержант званине илнĕ. Ăна минометчиксен отделенине ертсе пымашкăн шаннă.

Симĕс те ешĕл курăк кашни çыннах савăнтарать, канăç кÿрет, вăй-хăват хушать. Анчах ял урамĕсене çĕнĕ сăн кĕртмешкĕн çÿп-çап чăрмантарать.
Пархатарлă ĕçе хутшăннин пĕлтерĕшне халăха ăнлантарас тĕллевпе Шуршăл ял тăрăхĕн администрацийĕнче вăй хуракансем малтан ялсенче пухусем ирттерчĕç, хамăр пурăнакан вырăна таса та тирпейлĕ тытмаллине, çÿп-çапа çунтарма юраманнине аса илтерчĕç.