Архив - 2 Июл, 2014 - Хресчен сасси

2 Июл, 2014

Çыхăну çирĕпленет

Сĕнтĕрвăррисем часах Китай çыннисемпе çывăх туслашĕç. Çĕр ĕçченĕсем – пушшех те. Иртнĕ эрне вĕçĕнче Чăваш Ен Пуçлăхĕ Михаил Игнатьев Китай Халăх Республикин Сычуань провинцийĕн делегацийĕпе тĕл пулнă. Халăх хуçалăхĕн тĕрлĕ отраслĕнче пĕр-пĕринпе çыхăнса ĕçлесси çинчен калаçу пынă.

2 Июл, 2014

Кун-çулĕ ахаль иртмен

Иртнĕ ĕмĕрĕн 30-мĕш çулĕсенчех пирĕн тăрăхра арпус çитĕнтернĕ. Тăвай районĕнчи Тăрмăш ялĕнче пахча çимĕç бригади йĕркеленĕ. Ăна кÿршĕ ялти Енĕш Нăрвашри Тимофей Васильев ертсе пынă. Кăнтăр çимĕçĕсĕр пуçне ытти пахча çимĕç те ÿстернĕ ĕçченсем. Симĕс арчари хĕрлĕ тавар самай пысăк ÿснине пĕлтерет Михаил Яковлев.

2 Июл, 2014

Мунчала Пети çыхать, арлать, купалать...

"Йывăç хапхана улăштарасчĕ. Кама чĕнмелле-ши ĕç тума?" – текен ыйтупа пуç ватмаççĕ Канаш районĕнчи Вăрăмпуçсем. Кил хуçалăхĕнче кăмака е хулари пек камин купаламалла пулсан та çаплах. Тÿрех ял вĕçĕнче уй хĕрринче пурăнакан Мунчала Пети патне çул тытаççĕ. Унăн кил-çурчĕ тĕп урамран инçетерех пулсан та шыраса хăшкăлмастăн.