Архив - Окт 2017 - Чăваш хĕрарăмĕ

Çĕршыв пуласлăхĕ — ачасенче. Вăл çутă та таса пултăр тесен, паллах, ырă никĕсе аслисен хывмалла. Çак тĕллев патне ăнтăлнă май çул çитменнисене тивĕçлĕ воспитани парас, вĕрентес, сывлăхпа сыхлăх, пурăнмалли условисем, пурнăçăн киревсĕр йăлисенчен сирес, профилактика ыйтăвĕсем... — кирек хăш тытăма та пырса тивеççĕ. Çавăнпах ЧР Прокуратури ирттернĕ уçă форума хутшăнакансен йышĕ те тĕрлĕ енлĕ пулчĕ. Кунашкал уçă калаçăва прокуратура иккĕмĕш хутчен йĕркелет. Хальхинче çул çитменнисен прависене, вĕсен интересĕсене хÿтĕлес ыйтусене хускатрĕç пухăннисем.

Хам та хаçатра ĕçлетĕп пулин те — апла тăк, вулакана çĕнĕ хыпарсене пĕлтерсех тăратпăр — МИХ ытти хатĕрĕпе кăсăклансах паллашатăп. Кашни çĕнĕлĕхе тÿрех пĕлсе çитме май çук, пушшех те — федераци шайĕнчи саккунсене. Малтан вĕсене Мускаври МИХсем пĕлтереççĕ, эпир вара хамăрăн вулакан патне çитеретпĕр. Ирхине кофе е чей ĕçнĕ май центрти телеканалсене пăхасси тахçанах йăлана кĕнĕ. Шăпах вĕсен хыпарĕсемпе паллашнă май пуçра шухăш тĕвĕленчĕ: ара, ырăлăх налукĕ пулмасть-и вара ку? Ман шухăш тележурналистка патне туххăмрах “çитрĕ” курăнать.

* Кĕвĕллĕ самантсем

Ыран, юпа уйăхĕн 15-мĕшĕнче, ЧР тава тивĕçлĕ артисчĕ, сĕрме купăсçă, педагог Анатолий Дуняк çуралнăранпашăп та лăп пĕр ĕмĕр — 100 çул — çитет.

Чăваш халăх хаçачĕ «Хыпар» çуллен ирттерекен ăмăрту — Кире пуканĕ йăтакансен пĕтĕм Раççейри турнирĕ — тимĕр вăййин тусĕсене çитес вăхăтрах черетлĕ хутчен пухĕ.

Хаçат парнисене çĕнсе илессишĕн пыракан тупăшу кăçал юпа уйăхĕн 20-22-мĕшĕсенче Шупашкарти «Спартак» спорт керменĕнче иртĕ. Ăмăртăвăн тĕп судйи пулма Раççей спортăн тава тивĕçлĕ мастерне, РФ тава тивĕçлĕ тренерне Сергей Кириллова çирĕплетнĕ. Куславкка районĕнче çуралса ÿснĕ пултаруллă ентешĕмĕр хальхи вăхăтра Питĕрте пурăнать.