Архив - 24 Янв, 2017 - Хыпар

Криминала иртĕхтерменни тата полковник «телейĕ» çинчен

Шупашкарăмăр чăваш хулиех-ши? е Наци архитектури епле аталанать?

Тĕнче курма пулăшать, ăсталăха ÿстерет

Тахçантанпах кĕтекен фестиваль

Самбо çĕнтерме тата хÿтĕленме вĕрентет

«Сирĕн ĕç кăткăс та яваплă. Анчах эсир халăх шанăçне тÿрре кăларатăр — ку енĕпе кăтартусем çуллен лайăхланса пыраççĕ», — çапла хакларĕ республика Пуçлăхĕ Михаил Игнатьев Чăваш Ен полицийĕн ĕçне. Иртнĕ эрнекун коллеги ларăвĕнче ЧР Шалти ĕçсен министерствин пĕлтĕрхи ĕçне пĕтĕмлетрĕç, умри тĕллевсене палăртрĕç.

Кашни халăх çĕр çинче пĕртен-пĕрре. Вăл никам пек те мар, хăй пек çеç. Унăн культури, чĕлхи, йăли-йĕрки, ал ĕç ăсталăхĕ, ăс-хакăл пуянлăхĕ ăна ытти халăхран уйăрса тăрать. Шăпах çак тата ытти пахалăхпа эпир те, чăвашсем, тĕнче тытăмĕнчен çухалмастпăр.

«Пĕтĕм Раççейри студентсен стройкине — вĕренекен çамрăксен хушшинче чи пысăккине — лекни чăнласах та пысăк телей. Вăл пире строительство ĕçĕн вăрттăнлăхĕсемпе тата çывăхарах паллашма, ăсталăха ÿстерме, коллектив пĕрлĕхĕн туйăмне вăйлатма, Раççейĕн тĕрлĕ кĕтесĕнче çĕнĕ юлташсем тупма пулăшрĕ», — теççĕ Пĕтĕм Раççейри çамрăксен «Раççей Студентсен Отрячĕсем» общество организацийĕн Чăваш Енри уйрăмĕн «Энергия 21» отрячĕн хастарĕсем.

Çамрăксемпе студентсен пĕтĕм тĕнчери XIX фестивальне çĕр чăмăрĕн тĕрлĕ кĕтесĕнче пурăнакан хĕрсемпе каччăсем чăтăмсăррăн кĕтеççĕ. Кăçал вăл Раççейре юпа уйăхĕн 14-22-мĕшĕсенче иртет.

Чăваш Ен самбона аталантаракан чи лайăх регион теççĕ. Чăн та, юлашки вăхăтра спортăн çак тĕсĕ вăй илчĕ. Шупашкар Пĕтĕм Раççейри «Самбо кунĕсем» форума йышăнни те ахальтен мар. Кăрлачăн 20-мĕшĕнче иртнĕ мероприятие Атăлçи округĕнчи спорт отраслĕн хастарĕсем хутшăнчĕç.