Архив - 2014 - Хыпар

Ирина Путина Куславккари 3-мĕш шкулта, 11-мĕш «а» класра вĕренет. Хастар хĕр-упраç Куславкка районĕнчи Тĕмшерте (Салдыбаево) çуралнă, 9 класс тăван ялта вĕреннĕ. Шкулта 1-мĕш класранпах лайăх паллăсемпе çеç ĕлкĕ­р­­­­­­­­­­­се пырать.

«Çăкăртан асли, çĕртен хакли çук», - текен каларăш тăван халăхшăн ĕмĕрсем хушши тĕнчери чи пысăк тĕрĕслĕх пулнă. Çамрăк ăрăва çак сăмахсем паян мĕн калаççĕ-ши? Турра шĕкĕр, выçлăх мĕнне пĕлмеççĕ çамрăксем: «Хытса кайнă çăкăр татки те - чăн телей!» - тесе ÿсмен вĕсем.

«Илемлĕ фильмсенче лайăх сăнар калăплама çут­çанталăк панă пултарулăх çителĕксĕр. Артистăн халăх пурнăçне аван пĕлмелле, тĕнче культуринче мĕн пулса иртнине сăнаса пымалла».

Паянхи çамрăксене сăнатăн та чылай каччă хăйсен тĕп тивĕçне маннă текен шухăш патне ирĕксĕрех пырса тухатăн. Унччен салтака каясси яшсемшĕн чи хисеплĕ тивĕç пулнă. Халĕ вара каччăсем хĕсметрен мĕнле майпа хăтăлма пултарнипе мухтанаççĕ.

Ку кăларăмри «Самант» хăни - чăваш халăхĕ юратакан юрăçă: Фарида. Çак ят чăвашла «Ĕнчĕ-мерчен» (Жемчужина), «Бриллиант» тесе куçарăнать. «Чи хакли», «Ытарайми», «Чипертен чиперри» тесе те калама пулать ăна. Ашшĕ-амăшĕ хĕр пĕрчине çак ята парса пĕрре те йăнăшман: чăнах та, Фарида - ĕнчĕ-мерчен пике.

Геннадий Айхи 80 çул тултарнине чысласа аслă поэтăмăр çуралнă кунĕнчен пуçласа (августăн 21-мĕшĕ) Чăваш Республикинче, Мускавра, ют çĕршывсенче культура акцийĕсем иртрĕç. Вĕсенчен пĕрне Çĕнĕ Шупашкарсем йĕркелерĕç.

Шел, çак историе оригиналлă тесе калаймастпăр. Те пурнăç çăмăлланчĕ, те çынсем ытлашшипех иртĕнсе кайрĕç - тем те хăтлана пуçларĕç этемсем. Кăмăл-сипет енчен хавшарĕç чăвашсем. Намăс-симĕсе маннă хĕрарăмсем те йышланчĕç. Эпир каласа паракан истори евĕрлĕ тамаша паянхи кун Чăвашра кашни ялтах тупăнать темелле. Икĕ тус хĕрĕн - Таиçпе Маруçăн кун-çулĕпе кăштах паллаштарăпăр сире. Çапла вара, 1-мĕш пайĕ -

Шупашкар районĕнчи Кăшавăшри вăтам шкулта вĕренекен Татьяна Яландаева пĕлтĕр ачасен çăтмахĕнче пулса курчĕ. Чăваш Республикин Вĕренÿ министерстви тата Чăваш Республикин Вĕренÿ институчĕ ирттерекен «Туслăх хĕлхемĕ» фестивалĕнче «Чăвашлăх тĕнчи» номинацире 1-мĕш вырăна тухрĕ вăл.

«Самантăн» 8-мĕш номерĕнче «Алă» ятлă асаилÿ пичетленнĕччĕ. Пирĕн автор Валентина хăй 10 çулта чухне мистикăллă ĕç-пуç авăрне лекнине çырса кăтартнăччĕ унта. Енчен те пирĕншĕн ачалăх _ сарă хĕвел, сĕт пек ăшă кÿлĕ, сар çу пек çемçе асаилÿ пулсан, Валентинăшăн вара ачалăх _ хăрушă тĕлĕк. Пирĕн пит хăюллах мар авторшăн çÿçенÿллĕ самантсен çыххинчен тухмалли вăхăт çитрĕ тинех.

Уявсем кичем пулмĕç. Ĕнер ЧР Министрсен Кабинечĕн Председателĕ Иван Моторин правительство членĕсемпе, федерацин тата муниципалитет влаç органĕсен ертÿçисемпе канашлу ирттернĕ.