Архив - Фев 2014 - Хыпар

Чăваш Енре хастар та мал ĕмĕтлĕ хĕр-упраçпа яш-кĕрĕме тĕрлĕ енлĕн хавхалантарма тăрăшаççĕ. 2004 çултанпа çамрăксене пултарулăхри ăнтăлушăн Чăваш Республикин Пуçлăхĕн стипендине параççĕ.

Канаш районĕнчи Виктория Николаева малтан Ухман, 6-мĕш класранпа вара Вăтакас Кипеч шкулĕсенче вĕреннĕ. С.Федорова учитель хавхалантарнăран акăлчан чĕлхине килĕштерме пуçланă. Викăн Светлана Михайловна пек пулас килнĕ.

Валентина Николаева Çĕрпÿ районĕнчи Вăрманкас Кĕçтемĕр ялĕнче çуралнă. 1996 çулта Трак тăрăхĕнчи Танăш ял каччипе - Эдуард Гавриловпа - çемье çавăрнă. Туслă кил-йышра икĕ хĕр çитĕнет: Маргарита Красноармейскинчи вăтам шкулăн 10-мĕш, Юлиана Кĕçĕн Шетмĕри шкулăн 4-мĕш класĕсене çÿреççĕ.

Фристайл - спортăн çĕнĕ тĕсĕ, пирĕн çĕр-шывра аталанса кăна пырать-ха. Чăваш Енре фристайл енĕпе /«могул» дисциплинăра/ 27-ри Елена Муратова палăрчĕ. Вăл - пирĕн республикăран Олимп вăййисене хутшăнма хатĕрленекен пĕртен пĕр спортсменка. Уçă кăмăллăскер пирĕн ыйтусене хуравлама килĕшрĕ.

Çапларах чĕнÿпе иртрĕ нарăсăн 2-мĕшĕнче Олимп вăййисене халалланă «Раççей йĕлтĕр йĕрĕ» ăмăрту. ЧР Физкультурăпа спорт министерстви пĕлтернĕ тăрăх - пирĕн республикăра мĕн пур район-хулара йĕркеленĕ спорт уявне 49 пин çын хутшăннă

Чăваш Ен Пуçлăхĕ Михаил Игнатьев тунти кун ĕç тăвакан влаç органĕсен, федерацин территори органĕсен тата муниципалитетсен ертÿçисемпе канашлу ирттернĕ.

Нарăсăн 1-мĕшĕнче Чăваш Ен Пуçлăхĕ ертсе пынипе видеоконференци режимĕнче муниципалитет районĕсемпе хула округĕсен администрацийĕсен пуçлăхĕсемпе канашлу иртнĕ.

ЧР строительство министрĕ Олег Марков районсемпе хуласен пурăнмалли çурт-йĕрпе коммуналлă хуçалăхĕсем хутса ăшăтмалли тапхăрта мĕнле ĕçлени, энергоресурссемшĕн пухăнса кайнă парăмсем çинчен пĕлтернĕ.

Конкурса пĕтĕмлетнĕ

Куславкка районĕнче хушма пĕлÿ паракан педагогсен «Ачасене чĕреме паратăп» конкурсне пĕтĕмлетнĕ. 2010 çултанпа иртекен конкурса 11 вĕрентекен хутшăннă.