Архив - 27 Сен, 2014

Спорт уявĕ савăнăçлă парадран пуçланчĕ. Унта пăхаттирсемпе вĕсен тренерĕсене ЧР Патшалăх Канашĕн Председателĕ Юрий Попов саламларĕ. «Чăваш Енре спорта аталантарас енĕпе вун-вун ĕç пурнăçланать. Чаплă керменсем çĕкленеççĕ, пысăк пĕлтерĕшлĕ ăмăртусемпе спорт мероприятийĕсем иртеççĕ.

Кĕçнерни кун Чăваш Ен Пуçлăхĕ Михаил Игнатьев экономика аталанăвĕн министрĕпе Владимир Аврелькинпа тата тĕп хула пуçлăхĕпе Леонид Черкесовпа Шупашкарти общество апатланăвĕпе суту-илÿ предприятийĕсен ĕçĕпе паллашнă, вĕсем «Раççей - спорт çĕр-шывĕ» спорт форумне мĕнле хатĕрленнине тĕрĕсленĕ.

Чăваш Республикин приоритет ыйтăвĕсенчен пĕри - ачасемпе çамрăксен пултарулăхне уçмалли тата аталантармалли условисем йĕркелесси. Çакна шута илсе Чăваш Республикин Пуçлăхĕ çумĕнчи 2012-2017 çулсенче ачасен интересĕсемпе пурнăçламалли Наци стратегине тытса пырассипе ĕçлекен Координаци канашĕн черетлĕ ларăвĕ шăпах çак темăпа иртрĕ.

"Моргаушская" чăх-чĕп фабрики" АУО çăмартисене туянма шухăш тытрăр тăк - сирĕн кăштах черет тăма тивет-тĕр. Умра пĕр 5-10 çын пулатех. Тĕрлĕ брендлă çак çимĕç халĕ суту-илÿре пайтаххине кура, килĕшетĕр пуль, тĕлĕнмеллерех.

Кĕçнерни кун, авăн уйăхĕн 25-мĕшĕнче, Чăваш Енĕн Халăха ĕçпе тивĕçтерекен патшалăх службин коллегийĕн ларăвĕ иртнĕ. Унта республикăн Суту-илÿпе промышленноç палатин президенчĕ Игорь Кустарин, ЧР сывлăх сыхлавĕн министрĕн çумĕ Галина Германова, Чăваш Енĕн ĕçлевĕн тĕп патшалăх инспекторĕн тивĕçĕсене вăхăтлăх пурнăçлакан Раиса Павлова тата коллегин ытти членĕ хутшăннă.

ЧР Министрсен Кабинечĕн Председателĕ Иван Моторин республикăн ĕç тăвакан влаç органĕсем РФ Президенчĕн 2012 çулхи çу уйăхĕн 7-мĕшĕнчи Указне епле пурнăçланине уçăмлатма черетлĕ лару ирттерчĕ.

Çĕнĕ Шупашкарсем хулан 54-мĕш çуралнă кунне паллă турĕç. Телее, çак кун çанталăк та аван тăчĕ. Уяв мероприятийĕсен программи Çĕнтерÿ тÿремĕнче "çăлтăрпа" зарядка тунинчен пуçланчĕ.

Хусанта Тутар Республикин Писательсен союзĕн Г.Тукай ячĕллĕ клубĕнче тутарсен паллă поэчĕн, Совет Союзĕн Геройĕн Муса Джалилĕн нумаях пулмасть Шупашкарта чăвашла кун çути курнă "Моабит тетрачĕсем" кĕнекен презентацийĕ иртрĕ.

Поэзи тата икĕ халăхăн туслăх уявне Чăваш халăх поэчĕ, ЧР Патшалăх премийĕн лауреачĕ Порфирий Афанасьев, ЧР культурăн тава тивĕçлĕ ĕçченĕ, Çеçпĕл Мишши премийĕн лауреачĕ Раиса Сарпи, "Моабит тетрачĕсен" тулли вариантне /1956 çулта кĕнекене кĕскетсе пичетленĕччĕ/ чăвашла куçарнă Валери Туркай хутшăнчĕç.