Олег Николаев пурне те вулать

Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев Интернетри хăйĕн социаллă страницисенче мĕн çырнине йăлтах вуласа пынине пĕлтернĕ.

«Сирĕн комментарисенче тата уйрăм çырусенче хуравламастăп тесе ÿпкеленине час-часах асăрхатăп. Суймасăр калатăп: пурне те вулатăп, кашнине хуравлама пур чухне те вăхăт çитмест», – тесе çырнă вăл Фейсбукра.

Олег Николаев ăнлантарнă тăрăх, çынсен ыйтăвĕсене тÿрех ĕçтешĕсене ярса парать, хатĕр хуравсене тишкерет. Унран та ытларах: социаллă сетьсенчи ыйтусене тĕп хурса район тата хула администрацийĕсен пуçлăхĕсемпе канашлусем ирттерет, çынсем пăшăрханса çырнисене ĕçре усă курать.

www.hypar.ru glava.cap.ru сăн ÿкерчĕкĕ.