«Эпир кайсан ялта кам юлĕ?»

Хăш-пĕр ялта çамрăксене кăнтăрла хунарпа шырасан та тупаймăн. Пачах çук мар-ха вĕсем. Чылайăшĕ пысăк укçа шыраса ют хулана шапаша каять. Хĕрлĕ Чутай районĕнчи Атнар ялне çитсен вара тĕлĕнмеллипех тĕлĕнтĕмĕр. Кунти «Коминтерн» ЯХПКра чылай çамрăк ĕçлет. 30 çула çитменнисем — 12-ĕн! Маттурсем! Ял аталанăвĕшĕн тăрăшаççĕ, тăван тăрăха юратаççĕ. Тепри пулсан ялта мĕн пур тесе хулана тухса тарĕччĕ…

Машина, хваттер туяннă

Пысăк çак хуçалăхра выльăх-чĕрлĕх ферми темиçе те. Ÿркенмесен ĕçле кăна. «Кунта условисем хуларинчен япăх мар», — çапла каларĕç пире çамрăксем. Хулара ав хăш-пĕр çын 7-8 пин тенкĕ шалупа аран сыпăнтаркаласа пурăнать. Ку укçапа шывшăн, газшăн тÿлемелле, апат-çимĕç туянмалла… Атнарти хуçалăхра тăрăшакан çамрăксем пытармарĕç: вĕсене шалăвне аван тÿлеççĕ. Çавăнпах вĕсен хулана каяс шухăш та çук.

Наталия Егорова ĕçе Туктамăш ялĕнчен çÿрет. 29-тискер кунта 2010 çултанпа тăрăшать. Чăваш патшалăх ял хуçалăх академийĕнче экономиста вĕреннĕскер алла диплом илнĕ хыççăн икĕ эрнеренех ĕçе вырнаçнă. Вăл Атнарти ЯХПКра декрет отпускне кайнă пĕр хĕрарăм вырăнĕнче 2 çул тăрăшнă. Кайран Наталия район центрĕнче страхлакан агентра ĕçлеме тытăннă. «Коминтернра» бухгалтер вакансийĕ пуррине пĕлсех каялла таврăннă вăл. Малалла вулас...