Комментировать

20 Фев, 2015

"...Курнать шăпам тулăксăрри..." Çук, шăпу аслă!

Тетене - Г.Айхине - асăнса

Халь ĕнтĕ эпĕ Айхин архивне /унăн чăвашла пайне/ тишкеретĕп. Пĕр-пĕр кĕнеки пичетленсе тухсан Айхи ăна тус-тăванне парнелеме юрататчĕ - халалласа çырсах паратчĕ. Паллах, мана та парнеленĕ. Ыттисене халалласа çырнинче шÿтлени те, савăнăç та, тăванлăха мухтани те пур. Мана халалланă йĕркесем урăхларах, сăвăç унта ыттисене каламаннине - хăйне мĕнле йывăр иккенне, чунне мĕн асаплантарнине - пĕр пытармасăр уççăн пĕлтерет. Çав хăшпĕр халалне аса илесшĕн эпĕ...

Йăмăкăма

Ман тунсăха тĕнче хĕн-хурĕ

Чир евĕр турĕ ун чухне.

Шăпланчĕ музыка... Ман турă

Мана хăварчĕ пĕчченех...

Мана ун чух эс хăвармарăн,

Халаллă шанчăк вăйĕпе

Эс м у з ы к а пулса янрарăн -

Юри ман ятшăн пулнă пек.

Ман шанчăкăм каллех тур панăн

Çĕкленчĕ ирĕклĕн, тасан...

Чун кĕввипе эс - ман тăванăм,

Ыр ăсăн вăйĕпе - тăван!

30/VIII - 58 ç.

Шупашкар

1958 çулта Айхин пĕрремĕш кĕнеки пичетленсе тухнăччĕ - «Аттесен ячĕпе». Çавна парнелесе çырнă ку йĕркесене.

1960 çулта Шупашкарта А.Твардовскин «Василий Теркин» поэми чăвашла пичетленсе тухрĕ. Куçараканĕ - Г.Айхи. Анчах та... куçараканне «пĕлмĕш» пулчĕç - кĕнекене ун хушаматне кăтартмасăр кăларчĕç. Айхи ăна мана çапла халалласа парнеленĕ. Малалла вулас...

Культура

Хыпар

память