Кăçал сĕте пĕлтĕрхинчен хаклăрахпа пуçтараççĕ

10 Апр, 2017

Чăваш Енре сĕте хальхи вăхăтра ял çыннисенчен пĕлтĕрхи çак вăхăтринчен хаклăрахпа туянаççĕ. Ака уйăхĕн 7-мĕшĕ тĕлне унăн литрне 19 тенкĕ те 20 пуспа пуçтарнă. Ку вăл çулталăк каяллахинчен 24 процент хаклăрах.

Республикăн Ял хуçалăх министерстви ака уйăхĕн 31-мĕшĕнчен пуçласа ака уйăхĕн 7-мĕшĕчченхи тапхăра сăнанă та çав вăхăтра сĕт хакĕ Улатăр, Красноармейски, Хĕрлĕ Чутай, Сĕнтĕрвăрри тата Тăвай районĕсенче 1 тенкĕ чакнине асăрханă.

"Агро-Инновации" унитарлă предприяти Чăваш Енри тирпейлекен предприятисем 1 килограмм сĕте ака уйăхĕн 6-мĕшĕнче 22 тенкĕ те 83 пуспа туяннине пĕлтернĕ. Ку вăл çулталăк каяллахинчен 13 процент пысăкрах.

www.hypar.ru

Комментарии

Херле Чутай районенче 17 тенкепе пустарассе!!! Меншен суяссе 19 тата 22 тенке ытла тесе?!

Тунти кун ыйтса пĕлĕпĕр. Хисеплесе, "Хыпар".

Паян эпир Хĕрлĕ Чутай район администрацийĕн ял хуçалăх пайĕн специалисчĕпе Алевтина Елизаровăпа калаçрăмăр. Алевтина Викторовна сĕт хакĕ икĕ эрне каялла чакнине хыпарларĕ. Унччен 18 тенкĕпе пуçтарнă-мĕн.

Хисеплесе, "Хыпар".

Комментировать