Указ Главы Чувашской Республики от 24 января 2014 года № 7 «О Межведомственной комиссии по вопросам повышения доходов консолидированного бюджета Чувашской Республики, своевременности и полноты выплаты заработной платы при Главе Чувашской Республики».
Ĕнер ЧР прокурорĕ Владимир Метелин ертсе пынипе республика прокуратуринче анлă коллеги иртрĕ. Уф çумĕ Александр Корсунов, республикăри право хуралĕн ертÿçисем, прокуратура аппарачĕн ертÿçисем, хула тата район прокурорĕсемпе çумĕсем хутшăнчĕç.
Кăрлач уйăхĕн 27-мĕшĕнче пирĕн çĕр-шывра Раççей Çар мухтавĕн кунне паллă турĕç. Шăпах çак кун Ленинграда нимĕç фашисчĕсен блокадинчен хăтарнăранпа 70 çул çитрĕ. Этемлĕх историйĕнчи чи хурлăхлă пулăма сирме - Ленинград хулине тăшман ункинчен хăтарма - пирĕн республикăран та чылайăн хутшăннă.
Шупашкарти Çар мухтавĕн музейĕнче çак кунсенче Ленинграда нимĕç фашисчĕсен блокадинчен хăтарнăранпа 70 çул çитнине халалласа «Сан паттăрусем, Ленинград» ятпа курав уçăлчĕ. Фойере вырнаçтарнă стенд пысăках мар, анчах та питĕ пуян.
Кăрлачăн 30-31-мĕшĕсенче Чăваш Енре ĕçлĕ çул çÿревпе РФ Патшалăх Думин депутачĕ Алена Аршинова пулчĕ.
Малтанах вăл Шупашкарти пĕтĕмĕшле пĕлÿ паракан 29-мĕш шкулти вĕрентекенсемпе тĕл пулчĕ. «Çавра сĕтелте» педагогика вĕрентĕвĕн концепцийĕн проектне сÿтсе яврĕç.
Республика Пуçлăхĕ Михаил Игнатьев кăрлачăн 29-мĕшĕнче Патăрьел районĕнче пулнă хыççăн Шăмăршăна çул тытрĕ. Малтан район сыватмăшне çитсе курчĕ. Чирлисем сипленекен çурта юсаса ăшă тытăмне çĕнетнĕ хыççăн кунта халĕ хăтлă. Пациентсем йышăнăва электрон мелĕпе çырăнаççĕ. «Эпĕ те паян çак майпа усă куртăм. Тухтăрсем манăн кăмăла хăвăрт тивĕçтерчĕç», - терĕ Шăмăршăра пурăнакан 74 çулти Галина Никитина.
Чăваш Ен Пуçлăхĕ Михаил Игнатьев виçĕм кун Канаш районĕнче ĕçлĕ çул çÿревре пулнă.
Республика Пуçлăхĕ Канашри металл шăратакан завод строительствипе паллашнă, кунта кĕçех вакунсем валли оборудовани кăларма пуçлĕç. Андрей Гордиенко гендиректор палăртнă тăрăх - завод строительствине 230 млн тенкĕ ытла инвестици хывнă. Вăл хута кайнă май 120 ĕç вырăнĕ пулмалла, уйăхри вăтам ĕç укçи 20 пин тенкĕпе танлашмалла. Михаил Васильевич çакă пысăк пĕлтерĕшли, рынокра кирлĕ продукци кăларма пуçлани бизнесăн ăнăçлă аталанăвĕн никĕсĕ пуласси çинчен каланă.
Кĕçнерни кун ирех республика Пуçлăхĕ Михаил Игнатьев Тăвай районĕнчи Турикас Тушкил ял тăрăхне çитрĕ. С.Р.Илларионов фермер хуçалăхĕпе паллашрĕ. Мăйракаллă шултра выльăх витисене кĕрсе курчĕ. Сăвакан 250 ĕне. Шупашкара куллен 1,5 тонна сĕт ăсатаççĕ. Ăна 8 урамра вырнаçтарнă автоматран сутаççĕ, кашни литрĕ - 30 тенкĕ. М.Игнатьев хуçалăх ĕçне лайăх хак пачĕ. Районăн тĕп больницин поликлиникинче пулчĕ. Ăна пĕлтĕр тĕпрен юсанă, çĕнĕ медоборудовани чылай туяннă.
СУРСКИЙ РУБЕЖСКИЙ
Чăвашла верси
Русская версия
